21 قاڭتار, 09:06 1085 0 جاڭالىقتار اسىل تۇمار

«ءبىز رەسپۋبليكا تۇرعىندارىنان قولداۋ سۇرايمىز» – پاۆلودار Cارىارقا اتانۋى مۇمكىن بە؟

سۋرەت عالامتوردان الىندى
سۋرەت عالامتوردان الىندى

«پاۆلوداردىڭ اتاۋى اۋىسادى ەكەن» دەگەن اقپارات عا­لام­توردا جەلدەي ەسىپ تۇر. الايدا وبلىس اكىمدىگى بۇل اق­پا­رات­تى جوققا شىعاردى، «بيىل پاۆلودار اتاۋىن اۋىستىرۋ ماسەلەسى قاراستىرىل­مايدى». 

aikyn.kz سايتىنىڭ جازۋىنشا، «2019 جىلدىڭ ماۋسىم ايىن­دا­عى ۇكىمەت قاۋلىسىنا سايكەس بيىل ۇلتتىق ساناق جۇرگىزىلەدى. سول سەبەپتى رەسپۋبليكا ايماقتا­رىن­دا 2020 جىلعى 1 قاڭتاردان 31 جەل­توقسانعا دەيىنگى حالىق سانا­عىن ۋاقىتىلى جانە ساپالى ءجۇر­گى­زۋ ماقساتىندا ونوماستيكا­لىق ءما­سە­لەلەر، ونىڭ ىشىندە وبلىس ور­­تا­لىقتارىنىڭ اتاۋىن وزگەرتۋ قا­راس­تىرىلماعان»، – دەيدى پاۆلودار وبلىسى اكىمىنىڭ ءباسپاسوز قىزمەتى.

بىرقاتار قوعامدىق بىرلەستىكتىڭ وكىلدەرى مەن اقساقالداردىڭ پاۆ­لو­­­دارداعى كەزدەسۋى اكىمدىكتىڭ وسى­لاي مالىمدەۋىنە سەبەپ بولىپ وتىر. باسقوسۋدا بەلسەندىلەر پاۆ­لو­دار قالاسىنىڭ اتاۋىن سارىارقا دەپ وزگەرتىلۋىن قولداعان ەدى.

«اقساقالداردىڭ سارىارقا اتاۋىن قولداعانىنا قۋانىشتى­مىز. ەندى ءبىز قالا تۇرعىندارىنان عانا ەمەس، وبلىس، رەسپۋبليكا تۇر­عىن­­دارىنان دا قولداۋ جينا­ماق­پىز» دەيدى قوعام بەلسەندىسى سۇڭعات سارسەمباەۆ.

ونىڭ سوزىنە قاراعاندا، سارى­ارقامەن قاتار، ەرتىس، تاشەنوۆ اتاۋلارىن ۇسىنعاندار دا بولىپتى. پاۆلودار اتاۋىن اۋىستىرۋ تۋرالى تاقىرىپ بيىل كوتەرىلىپ وتىرعان جوق. بۇعان دەيىن دە Jebe قوعامدىق ۇيىم وكىلدەرى دەپۋتات ايزادا قۇرمانوۆامەن كەزدەسۋىندە پاۆلو­دارعا ەرتىس اتاۋىن بەرەيىك دەپ ۇسى­نىس تاستاعان ەدى. دەپۋتات وڭ كور­گەنىمەن، الەۋمەتتىك جەلىدە بۇل ۇسىنىس قولداۋ تاپپادى. كەيىن پاۆلودار اكىمدىگى قالا تۇرعىندا­رىن بۇل تاقىرىپتى تالقىلاماۋعا شاقىرىپ، مۇنىڭ رەسمي تۇردە قاراس­تىرىلماعانىن ايتقان بولا­تىن.

بۇعان دەيىن دە كەرەكۋ، قيماق، نۇرشاحار، نۇركەنت دەگەن اتاۋلار ۇسىنىلعان. 2018 جىلدىڭ قاراشا ايىندا پاۆلودار قالاسىنىڭ اتا­ۋىن وزگەرتۋ ماسەلەسى قايتا كوتە­رىل­دى. بۇعان ايماقتىق بيلىك ورگان­دا­رى بۇل ماسەلەنىڭ وزەكتى ەمەس ەكەنىن ايتىپ، اڭگىمەنى جىلى جا­ۋىپ قوي­عان ەدى. ال قالا پاۆلو­دار اتا­ۋىن 1861 جىلى يەمدەنگەن ەدى. ودان بەرى دە ءبىر جارىم عاسىر ءوتىپ­تى.

سوڭعى جاڭالىقتار