20 قاڭتار, 19:35 744 0 جاڭالىقتار اسىل تۇمار

ۇشتوبەدە شوشقا ءوسىرۋ كەشەنى ىسكە قوسىلدى – بيىل قىتايعا ءونىم ەكسپورتتايمىز

سۋرەت عالامتوردان الىندى
سۋرەت عالامتوردان الىندى

ۇشتوبە قالاسى ماڭىنداعى كوكپەكتى اۋىلىندا قاڭىراپ قالعان فەرما ورنىندا 1200 باستىق جاڭا شوشقا ءوسىرۋ كەشەنى اشىلدى. بىلتىر قىركۇيەك ايىندا قر اۋىل شارۋاشىلىعى مينيسترلىگى قىتاي ەلىنە شىعارىلاتىن شوشقا ەكسپورتىنا قويىلاتىن تالاپتار حاتتاماسىنا قول قويدى.

جىل سايىن قىتاي ەلى 57 ميلليون توننا شوشقا ەتىن تۇتىنادى، بۇل الەمدە وندىرىلەتىن شوشقا ەتىنىڭ 52 پايىزى. بۇل وتاندىق وندىرۋشىلەرگە اۋىل شارۋاشىلىعى ونىمدەرىن ۇلكەن نارىققا شىعارۋعا مۇمكىندىك بەرەدى.

شوشقا شارۋاشىلىعى «اگرارلىق نەسيە كورپوراتسياسى» اق قارجىلاندىراتىن ينۆەستيتسيالىق جوبالاردىڭ نەگىزگى باعىتتارىنىڭ ءبىرى. جاڭا شوشقا ءوسىرۋ كەشەنىن «قاراتال» سەلەكتسيالىق-گيبريدتىك ورتالىعى» كومپانياسى ىسكە قوستى. كەشەن قۇرىلىسى اگرارلىق نەسيە كورپوراتسياسىنىڭ قارىز قاراجاتى ەسەبىنەن جۇزەگە استى. بۇل كاسىپورىندا 60-تان استام جۇمىس ورنى قۇرىلاتىن بولادى.

بۇگىندە شوشقا كەشەنىنە داتتىق لاندراس جانە يوركشير تۇقىمدى 312 باس ۇرعاشى شوشقانىڭ ءبىرىنشى پارتياسى جەتكىزىلدى. وندىرىستىك قۋاتتىلىعى جىلىنا – 13 مىڭ توننا ەت. كاسىپورىن اۋىل شارۋاشىلىعى داقىلدارىن وسىرۋگە ارنالعان ءوز جەمشوبىمەن قامتاماسىز ەتىلگەن. ونى پولشادان اكەلىنگەن ونىمدىلىگى 8000 كگ/ساع قۇراما جەم كەشەنى وڭدەيدى.

– ءبىز سەلەكتسيالىق-گيبريدتىك ورتالىق رەتىندە جۇمىس ىستەيمىز، ياعني ەت جانە اسىل تۇقىمدى ماتەريال جۇزەگە اسىرىلاتىن بولادى، – دەيدى «قاراتال» سگو» جشس قارجى ديرەكتورى ءاليا سۇلتانوۆا – مۇنداي شوشقا ۇرعاشىسىنىڭ تۇقىمىن قازاقستانعا ەشكىم اكەلگەن جوق، ءتىپتى رەسەيدە ونىڭ سانىن قولمەن ساناۋعا بولادى. وسى بىرەگەي جوبانى ىسكە اسىرۋعا نەگىزگى قارجىلىق كومەكتى اگرارلىق نەسيە كورپوراتسياسى كورسەتتى.

كاسىپورىندا تۇيىق وندىرىستىك تسيكلى جولعا قويىلعان، ياعني جانۋارلاردىڭ ۇرىقتانۋ كەزىنەن باستاپ سويۋعا ارنالعان تاۋارلىق نىسانعا جەتۋ كەشەنى قامتىلعان. كومپانيا 2020 جىلدىڭ سوڭىنا قاراي قىتايعا ءونىم ەكسپورتتاۋدى جوسپارلاپ وتىر. ينۆەستيتسيالىق جوبا جىلدىق 8% سىياقى مولشەرلەمەسىمەن قارجىلاندىرىلادى.

2019 جىلى اگرارلىق نەسيە كورپوراتسياسىنىڭ ينۆەستيتسيالىق جوبالاردى قارجىلاندىرۋ سوماسى – 290 ملرد تەڭگە.

سوڭعى جاڭالىقتار