20 قاڭتار, 18:46 378 0 جاڭالىقتار اسىل تۇمار

الماتى وبلىسىندا زاماناۋي جەمىس قويماسى اشىلدى

شەلەك اۋىلى ماڭىندا قازىرگى زامان تالاپتارىنا ساي جاساقتالعان زاماناۋي جەمىس قويماسى جۇمىسىن باستادى. الما مەن وزگە جەمىستەردى ساقتاۋعا ارنالعان توڭازىتقىش قويما «اگرارلىق نەسيە كورپوراتسياسى» اق قولداۋىمەن ىسكە اسىرىلدى.

«جوبا ەلىمىزدىڭ اۋىل شارۋاشىلىعى مينيسترلىگىمەن ىسكە اسىرىلاتىن اوك دامىتۋ باعدارلاماسى اياسىندا جۇزەگە استى. جالپى سوماسى – 6,5 ميلليارد تەڭگە، ونىڭ 4,5 ميللياردتان استامىن اگرارلىق نەسيە كورپوراتسياسى ۇسىندى، قالعان اقشا – ينۆەستوردىڭ ءوز قاراجاتى»، – دەپ اتاپ ءوتتى «اگرارلىق نەسيە كورپوراتسياسى» اق باسقارما توراعاسى مۇرات دارىباەۆ.

«Alma Mater Fields» كومپانياسىنىڭ جوباسىن كورپوراتسيا كەزەڭ-كەزەڭمەن 2017 جىلدان باستاپ «اگروەكسپورت» باعدارلاماسى بويىنشا قارجىلاندىردى. مەملەكەتتىك قولداۋ شارالارى جالپى سوماسى 4,7 ملرد تەڭگەدەن ارتىق تامشىلاپ سۋارۋ جانە شپالەرلىك جۇيە زاماناۋي تەحنولوگياسىن پايدالاناتىن 120 جانە 90,5 گا ەكى باق وتىرعىزۋعا، سونداي-اق رەتتەلەتىن گازدىق ورتاسى بار 3600 توننا جەمىس ساقتاۋ قويماسىن قۇرۋعا باعىتتالدى.

توڭازىتقىش كەشەن ءونىمدى قاز قالپىندا 12 ايعا دەيىن ساقتايدى. بۇل وتاندىق جانە شەتەلدىك نارىققا بالاۋسا ءدامدى جانە شىرىندى جەمىستەردى جىل بويى جەتكىزۋ مۇمكىندىگىن تۋدىرىپ وتىر. ياعني، قىس مەزگىلىندە قازاقستاندىقتار جەرگىلىكتى ءونىمدى بارىنشا تومەن باعامەن الۋعا قول جەتكىزەدى.

جەمىس قويماسى رەتتەلەتىن گازدىق جانە ىلعالدىلىق ورتاسى بار 18 توڭازىتقىش كامەرامەن جابدىقتالعان. كەشەننىڭ مەتالل قۇرىلىسى – قازاقستاندا جاسالعان، قاپتاۋى – رەسەيدە وندىرىلگەن، قالعان جابدىق گوللانديادان اكەلىنگەن.

سوڭعى جاڭالىقتار