20 قاڭتار, 17:02 1541 0 جاڭالىقتار اسىل تۇمار

ۇلتتىق پانتەوندا كىمدەر جەرلەنەدى؟

سۋرەت عالامتوردان الىندى
سۋرەت عالامتوردان الىندى

2019 جىلدىڭ 26 ​​جەلتوقسانىندا پرەمەر-مينيستر اسقار مامين قازاقستاننىڭ ۇلتتىق پانتەونى تۋرالى جاڭا ەرەجە جوباسىن ماقۇلدادى. وندا مەملەكەت باسشىسىنان باسقا كىمدەر جەرلەنە الاتىنى تۋرالى zakon.kz جازدى.

قۇجاتتا ايتىلعانداي، ۇلتتىق پانتەون – قايتىس بولعان ادامداردى جەرلەيتىن ورىن. بۇل مەموريالدىق ماڭىزى بار ارحيتەكتۋرالىق نىسان، ونىڭ ماقساتى – مەملەكەت، عىلىم، مادەنيەت قايراتكەرلەرىنىڭ، سونداي-اق قازاقستاننىڭ دامۋىنا ۇلەس قوسقان تۇلعالاردىڭ ەسىمىن ساقتاۋ.

پانتەون نۇر-سۇلتان اكىمدىگىنىڭ باسقارۋىندا. پانتەوننىڭ تەرريتورياسىنا مەموريالدىق عيمارات، «ەستەلىك قابىرعاسى» مونۋمەنتى بار ەسكە الۋ مۇراجايى (XX-XXI عع.), اكىمشىلىك، قىزمەتتىك جانە قوسالقى عيماراتتار، قابىر تاستار، ساياباقتار جانە اينالاداعى اۋماقتار كىرەدى.

پانتەوندا قايتىس بولعاننان كەيىن:

1) قازاقستان پرەزيدەنتتەرى مەن ولاردىڭ وتباسى مۇشەلەرى;

2) پرەمەر-مينيسترلەر مەن ولاردىڭ ورىنباسارلارى، پارلامەنت پالاتالارىنىڭ توراعالارى جانە ولاردىڭ ورىنباسارلارى، مەملەكەتتىك حاتشىلار، پرەزيدەنت اكىمشىلىگىنىڭ باسشىلارى، كونستيتۋتسيالىق كەڭەستىڭ، جوعارعى سوتتىڭ جانە ۇلتتىق بانكتىڭ توراعالارى;

3) مينيسترلەرلەر، قازاقستان پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ باسشىلارى، وبلىستاردىڭ، رەسپۋبليكالىق ماڭىزى بار قالالاردىڭ جانە استانا اكىمدەرى;

4) «حالىق قاھارمانى»، «قازاقستاننىڭ ەڭبەك ەرى» اتاعىنا يە بولعان ادامدار;

5) «التىن قىران»، «وتان»، «قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ»، ءۇش دارەجەدەگى «ەڭبەك داڭقى» وردەندەرىمەن ماراپاتتالعان ازاماتتار;

6) «كەڭەس وداعىنىڭ باتىرى»، «سوتسياليستىك ەڭبەك ەرى» اتاعىنا يە بولعان ازاماتتار;

7) «قازاقستاننىڭ عارىشكەر-ۇشقىشى» قۇرمەتتى اتاعىنا يە بولعان ازاماتتار;

8) قازاقستان رەسپۋبليكاسى پرەزيدەنتىنىڭ ارنايى شەشىمىمەن باسقا ازاماتتار جەرلەنەدى.

پانتەوندا جەرلەنەتىن ادامدارمەن بىرگە كەيىن ولاردىڭ قايتىس بولعان جۇبايلارى دا جەرلەنۋى مۇمكىن ەكەنى ايتىلعان.

جەرلەۋدى ۇيىمداستىرۋمەن وبلىستىڭ، رەسپۋبليكالىق ماڭىزى بار قالانىڭ جانە استانانىڭ جەرگىلىكتى اتقارۋشى ورگاندارى قايتىس بولعان ادامنىڭ جۇبايىنىڭ، جاقىن تۋىستارىنىڭ نەمەسە زاڭدى وكىلىنىڭ باستاماسى بويىنشا جۇزەگە اسىرۋى كەرەك.

اكىمدىك جەرلەۋ ءۇشىن قۇجاتتاردى راسىمدەۋگە، قايتىس بولعان ادامدى جەرلەۋ ءۇشىن قولدانىلاتىن اتريبۋتتاردى قامتاماسىز ەتۋگە، قايتىس بولعان ادامنىڭ دەنەسىن پانتەونعا جەتكىزىپ، جەرلەۋگە مىندەتتى. ءدىني جورالار مەن راسىمدەر قازاقستان زاڭناماسىنا سايكەس وتكىزىلۋى كەرەك.

جەرلەۋ تۋرالى شەشىم قابىلداۋ كەزىندە قايتىس بولعان ادامنىڭ ەركى نەمەسە جۇبايىنىڭ، جاقىن تۋىستارىنىڭ نەمەسە قايتىس بولعان ادامنىڭ زاڭدى وكىلىنىڭ تىلەكتەرى ەسكەرىلەدى.

پانتەونداعى قابىر قۇرىلىستارىنىڭ ورنالاسۋى مەن ديزاينى بىرىڭعاي نىساندا جۇزەگە اسىرىلۋى كەرەك. پانتەوندا ءوز بەتىنشە جەرلەۋگە، وتباسىلىق زيرات قۇرۋ جانە قايتا جەرلەۋگە جول بەرىلمەيدى.

سونداي-اق،پانتەوندا جەرلەۋ كىتابى جۇرگىزىلەدى. كىتاپتا قايتىس بولعان ادامدار تۋرالى كەلەسى اقپارات بولادى:

1) تەگى، اتى جانە اكەسىنىڭ اتى (بار بولسا);

2) قايتىس بولعان ادامنىڭ پانتەونعا تۇسكەن جانە جەرلەنگەن كۇنى;

3) ءومىربايانى;

4) قازاقستان رەسپۋبليكاسىنا سىڭىرگەن ەڭبەگى;

5) وزگە دە اقپارات.

سوڭعى جاڭالىقتار