20 قاڭتار, 14:28 294 0 ايماق اسقار اxمەتقازى

ماقتاارالدىقتار قاڭتاردا قىرىققابات ەگۋدى باستادى

تۇركىستان وبلىسى ماقتاارال اۋدانىنىڭ ەڭبەكقور شارۋالارى قاڭتاردىڭ قاق ورتاسىندا ديقانشىلىقتى باستاپ جىبەردى.

ەرتە ءونىم بەرەتىن قىرىققابات داقىلىن ەگۋ ناۋقانىنا قازىردىڭ وزىندە 10-نان استام بريگادا قاتىسىپ، قىزۋ جۇمىستار جۇرۋدە.
ەگىندى ەرتە باستاعان سەرىكتەستىكتىڭ ءبىرى – «دۇيسەنبەك» شارۋا قوجالىعى. سەرىك ءسادۋوۆتىڭ باسشىلىعىنداعى قوجالىقتىڭ ەنشىسىندە 4,5 گەكتار جەر بار، سونىڭ بارلىعىنا قىرىققابات داقىلى ەگىلىپ جاتىر. جالپى سانى 60 ادامنان قۇرالعان بريگادا قاڭتاردىڭ ءاربىر كۇنىن ءتيىمدى پايدالانىپ، جاۋىن-شاشىنعا قاراماستان جۇمىس ىستەۋدە. ءونىم نەگىزىنەن 2 ايدىڭ كولەمىندە ءپىسىپ جەتىلەدى. سونداي-اق، شارۋا قىرىقاباتتىڭ 90 كۇندە جەتىلەتىن سورتىن دا ەككەن.
ماقتاارالدىق ديقاندار نەگىزىنەن سالماعى 1-1,5 كەلىدەن اسپايتىن قىرىققاباتتىڭ پانديون، ريندا، فاراو سۇرىپتارىن وتىرعىزۋدا. ەرتە پىسەتىن ءونىم تۇرىنە ەۋروپالىقتار مەن رەسەيلىكتەر تاراپىنان سۇرانىس كوپ. قازىردىڭ وزىندە «ماقتارال» اۋىلدىق وكرۋگىندە 50 گەكتاردان استام جەرگە قىرىققابات ەگىلگەن.

سوڭعى جاڭالىقتار