19 قاڭتار, 16:24 1169 0 جاھان انار لەپەسوۆا

الەمدەگى ەڭ الاسا بويلى ادام قايتىس بولدى

گيننەستىڭ رەكوردتار كىتابىنا الەمدەگى ەڭ الاسا بويلى ادام رەتىندە ەنگەن حاگەندرا تاپا ماگار ومىردەن ءوتتى. ونىڭ جاسى نەبارى 28-دە ەدى. بۇل  تۋرالى رەكوردتار كىتابىنىڭ  رەسمي سايتىندا حابارلاندى. 

حاگەندرا تاپا ماگار 1992 جىلى نەپالدا تۋعان. ونىڭ بويى 67,08 سانتيمەتر. تاۋەلسىز قوزعالۋ قابىلەتى بار الەمدەگى ەڭ الاسا بويلى ادام رەتىندە تانىلىپ، 2011 جىلى گيننەستىڭ رەكوردتار كىتابىنا ەنگىزىلگەن.

حاگەندرا فيليپپيندىك دجۋني دجەي بالاۋۆينگە قاراعاندا 7 سم بيىك، بىراق بالاۋينگ وزدىگىنەن جۇرە المايدى.

“حاگەندرا تەز ارادا تانىمال بولدى جانە 2011 جىلى نەپالدىڭ ەرىكتى تۋريزم بويىنشا وكىلى بولىپ تاعايىندالدى”، - دەلىنگەن حابارلامادا.

حاگەندرانىڭ دوستارى ونىڭ سوڭعى كەزدەرى دەمىكپە جانە جۇرەك اۋرۋىمەن كۇرەسىپ جۇرگەنىن ايتادى. ول 16 قاڭتاردا نەپالداعى مانيپال اۋرۋحاناسىنا جاتقىزىلعان. ءبىر كۇن وتكەسىن قايتىس بولعان. ەندى تاۋەلسىز قوزعالا الاتىن الەمدەگى ەڭ كىشكەنتاي ادام اتاعى، بويى 70,21 سانتيمەتر كولۋمبيالىق ەدۋاردو نينو ەرناندەسكە تيەسىلى.

سوڭعى جاڭالىقتار