19 قاڭتار, 10:34 329 0 دەنساۋلىق انار لەپەسوۆا

ەلوردادا بەلگىسىز جاعدايدا كوز جۇمعان 8 جاسار بالانىڭ ولىمىنە بايلانىستى تەرگەۋ باستالدى

ەلوردادا 8 جاسار بالا بەلگىسىز جاعدايدا قايتىس بولدى. بۇل تۋرالى  نۇر-سۇلتان قالاسىنىڭ پوليتسيا دەپارتامەنتى حابارلادى. 

"بيىلعى جىلدىڭ 14 قاڭتارىندا، ساعات 19:33-تە كامەلەتتىك جاسقا تولماعان بالانىڭ ءولىمى جايلى اقپارات ءتۇستى. وقيعا ورنىنا جەدەل-تەرگەۋ قىزمەتكەرلەرى بارىپ، 2011 جىلعى بالانىڭ ءوزىن جايسىز سەزىنگەنىن ءبىلدى. بالانىڭ اتا-اناسى دارىگەرلەردىڭ كومەگىنە جۇگىنگەندە اق حالاتتاعىلار بالانى ۇيدەن ەمدەۋگە كەڭەس بەرگەن. كەلەسى كۇنى بالانىڭ جاعدايى كۇرت ناشارلاپ، ول ەسىنەن تانىپ قالادى. جەدەل جاردەم كەلگەنشە بالا قايتىس بولدى", - دەپ جازىلعان حابارلامادا. 

پوليتسيا باسقارماسىندا بۇل فاكت بويىنشا سوتقا دەيىنگى تەرگەۋ امالدارى باستالعانىن ەسكەردى. سوت-مەديتسينالىق ساراپتامالار جۇرگىزىلۋدە. 

سوڭعى جاڭالىقتار