18 قاڭتار, 19:58 1574 0 جاڭالىقتار اسىل تۇمار

كيىك اتىپ العان "وحوتزووپروم" قىزمەتكەرلەرى ۇستالدى

سۋرەت عالامتوردان الىندى
سۋرەت عالامتوردان الىندى

قارماقشى اۋدانىنان 15 شاقىرىم جەردە ورنالاسقان "تىشقانتام" دەگەن جەردە براكونەرلەر ۇستالدى، – دەپ حابارلايدى قىزىلوردا وبلىسى ءىىد ءباسپاسوز قىزمەتى.

"براكونەر" جەدەل الدىن الۋ ءىس-شاراسى اياسىندا قارماقشى اۋداندىق پوليتسيا ءبولىمىنىڭ ۋچاسكەلىك پوليتسيا ينسپەكتورلارى رەيدتىك تەكسەرۋ بارىسىندا 16 قاڭتار كۇنى ساعات 17.47 شاماسىندا "Toyota Land Cruiser LX76" ماركالى "وحوتزووپروم" رمقك قىزمەتتىك اۆتوكولىگىن توقتاتتى.

"اۆتوكولىكتەردى سىرتىنان قاراۋ كەزىندە ارتقى بامپەردە قان ىزدەرى بايقالعان سوڭ پوليتسيا قىزمەتكەرلەرى جۇك سالعىشتى اشۋدى تالاپ ەتتى", – دەپ حابارلايدى جپ وكىلدەرى.

ءوز كەزەگىندە، اۆتوكولىك جۇرگىزۋشىسى جانە "وحوتزووپروم" ۇيىمىنىڭ جانىندا وتىرعان 2 قىزمەتكەرى پوليتسيا قىزمەتكەرلەرىنىڭ تالاپتارىنا باعىنۋدان باس تارتىپ، وقيعا ورنىنان بوي تاسالاعان.

بۇدان ءارى، پوليتسەيلەر ولاردى "وحوتزووپروم" تۇراعىنا دەيىن قۋىپ بارادى. اۆتوكولىكتى تەكسەرۋ بارىسىندا جۇكسالعىشتا كيىكتىڭ تۇتاس ەتى، ال سالونىندا "من-22" ماركالى تەگىس ۇڭعىلى قارۋ مەن پروجەكتور تابىلدى.

ۇستالعانداردىڭ ءبىرى ۋاقىتشا ۇستاۋ يزولياتورىنا قاماۋعا الىندى، ال قالعاندارىنا قاتىستى بۇلتارتپاۋ شاراسىن تاڭداۋ ماسەلەسى شەشىلۋدە.

وسى فاكتى بويىنشا قر قىلمىستىق كودەكسىنىڭ 339-بابى 2-بولىگىنىڭ 2,4-تارماعى (سيرەك كەزدەسەتىن جانە قۇرىپ كەتۋ قاۋپى تونگەن، سونداي-اق پايدالانۋعا تىيىم سالىنعان وسىمدىكتەر مەن جانۋارلار تۇرلەرىن، ولاردىڭ بولىكتەرىن نەمەسە دەريۆاتتارىن، ءوزىنىڭ قىزمەت بابىن پايدالانا وتىرىپ زاڭسىز پايدالانۋ) بويىنشا سوتقا دەيىنگى تەرگەۋ باستالدى.

ايتا كەتۋ كەرەك، "وحوتزووپروم" قازاقستاندا اقبوكەندەردى، تۇياقتى جابايى جانۋارلاردىڭ سيرەك كەزدەسەتىن جانە جويىلىپ بارا جاتقان تۇرلەرىن ساقتاۋ، قالپىنا كەلتىرۋ جانە ەسەپكە الۋ بويىنشا جۇمىستار مەن قىزمەتتەردى جەتكىزۋشى بولىپ بەلگىلەنگەن.

سوڭعى جاڭالىقتار