18 قاڭتار, 18:55 1441 0 جاڭالىقتار اسىل تۇمار

اكىم مەملەكەتتىك باعدارلاماعا بولىنگەن قارجىنى جىمقىرعان

سۋرەت عالامتوردان الىندى
سۋرەت عالامتوردان الىندى

«الماتى قالاسى الاتاۋ اۋدانىنىڭ اكىمى شاحمەردەن رىسپاەۆا 2019 جىلى «وڭىرلەردى 2020 جىلعا دەيىن دامىتۋ» مەملەكەتتىك باعدارلاماسىنا بولىنگەن بيۋدجەت قاراجاتىن ءىرى كولەمدە جىمقىردى دەپ ايىپتالۋدا»، – دەپ حابارلادى سىبايلاس جەمقورلىققا قارسى قىزمەت.

ونىڭ ورىنباسارى مەن مادەنيەت جانە تىلدەردى دامىتۋ ءبولىمىنىڭ باسشىسى دا كۇدىككە ءىلىندى.

«اۋدان اكىمى مەن ونىڭ ورىنباسارى تۇتقىندالىپ، ۋاقىتشا ۇستاۋ يزولياتورىنا قامالدى. بۇلتارتپاۋ شاراسىن تاڭداۋ ماسەلەسى شەشىلۋدە. كىناسىن مويىنداپ، كۇدىكتىنىڭ ءوزى جانە قورعاۋشىسى تاراپىنان كەلۋ تۋرالى مىندەتتەمە بەرىلگەندىكتەن مادەنيەت ءبولىمىنىڭ باسشىسىنا قاتىستى پروتسەسسۋالدى تۇتقىنداۋ ارەكەتى قولدانىلعان جوق»، – دەپ حابارلادى ۆەدومستۆو وكىلى.

كۇدىكتىلەردىڭ كىنالىلىك دارەجەسى تۋرالى تۇپكىلىكتى شەشىمدى سوت شىعارادى.

«اۋدان اكىمى ورىنباسارىنىڭ جالپى قامقورلىعى ءۇشىن مەردىگەر ۇيىمنىڭ وكىلىنەن 500 مىڭ تەڭگە سوماسىندا پارا الۋ، قىزمەتتىك جالعاندىق جاساۋ فاكتىلەرى بويىنشا تەرگەۋ جۇرگىزىلۋدە»، – دەلىنگەن اقپاراتتا.

17 قاڭتاردا شاحمەردەن رىسپاەۆ ءوز ەركىمەن اۋدان اكىمى قىزمەتىنەن بوساتىلدى.

سوڭعى جاڭالىقتار