18 قاڭتار, 18:01 413 0 جاڭالىقتار اسىل تۇمار

ۇلكەن الماتى كولى ماڭىندا جوعالىپ كەتكەن شەتەلدىك ازامات تابىلدى

سۋرەت عالامتوردان الىندى
سۋرەت عالامتوردان الىندى

Polisia.kz سايتىنىڭ مالىمەتىنشە، 17 قاڭتاردا الماتى جپ جبو-نا 45 جاستاعى تۇركيا ازاماتى ءوزىنىڭ ماشيناسىمەن ۇلكەن الماتى كولى جاققا سەرۋەنگە شىعىپ، سول ۋاقىتتان بەرى بايلانىسقا شىقپاعانى تۋرالى حابارلاما كەلىپ تۇسكەن.

بىردەن جوعالىپ كەتكەن ادامنىڭ ورنالاسقان جەرىن انىقتاۋ بويىنشا ىزدەستىرۋ ءىس-شارالارى ۇيىمداستىرىلدى. ءىس-شارا بارىسىندا Toyota RAV-4 ماركالى اۆتوكولىگى كولدىڭ جانىنداعى جولدىڭ جيەگىنەن ەسىكتەرى جابىق كۇيى تابىلدى. كولىكتىڭ ىشىندە ەشكىم بولماعان. پوليتسيا قىزمەتكەرلەرى جوعالىپ كەتكەن ادامدى ىزدەستىرۋدى جالعاستىردى.

18 قاڭتار كۇنى تاڭعى ساعات 11-دە كولىكتەن ءۇش شاقىرىم جەردە ىزدەۋدەگى ادام ءتىرى تابىلدى.ۇسىك شالعان بەلگىلەرى بار. پوليتسيا قىزمەتكەرلەرىنىڭ جەدەلدىگى ارقاسىندا قايعىلى وقيعانىڭ الدى الىندى. ەر ادام جەدەل جاردەم دارىگەرلەرىنە تاپسىرىلدى.

ازاماتتىڭ ايتۋىنشا، سەرۋەننەن كەيىن ونىڭ كولىگى قالىڭ قاردا تۇرىپ قالعانى بەلگىلى بولدى. شەتەلدىك ءوز بەتىمەن شىعۋعا ارەكەت جاساپ كولىك دوڭگەلەگىنىڭ استىنا بۇتاقتار توسەيدى، قازادى. بىراق بۇل ارەكەتىنەن تۇك شىقپاعان ول ماشينادان شىعىپ كومەك ىزدەۋگە اتتانعان. بىراق اداسىپ كەتەدى.

سوڭعى جاڭالىقتار