18 قاڭتار, 10:40 422 0 جاڭالىقتار اسىل تۇمار

وتاندىق ءونىمدى مەنسىنبەيدى – «كازتسينك»، «قازاقمىس»، «ارسەلور ميتتال» كومپا­نيا­لارى سىنعا قالدى

سۋرەت عالامتوردان الىندى
سۋرەت عالامتوردان الىندى

«كازتسينك»، «قازاقمىس»، «ارسەلور ميتتال» كومپا­نيا­لارى قازاقستاندىق ءونىمدى ساتىپ المايدى، – دەپ جازدى aikyn.kz.

ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى ابىلاي مىرزاحمەتوۆ بۇل تۇرعىدا ولاردا جاۋاپكەرشىلىك جوق ەكەنىن اتاپ ءوتتى.

ونىڭ ايتۋىنشا، ءاربىر ۇلتا­رالىق كومپانيانىڭ ەكولوگيا مەن شەتەلدەن جۇمىس كۇشىن تارتۋداعى مىندەتىنەن بولەك، وزىندىك الەۋمەت­تىك مىندەتتەمەلەرى بار. سونىڭ ءبىرى – جەرگىلىكتى شاعىن جانە ورتا بيزنەستى قولداۋ، ياعني قازاقستاندىق ءونىمدى ساتىپ الۋ.

«تەڭىزشەۆرويل» جاقىندا تۇڭعىش رەت تاۋاردى ساتىپ الۋ جوس­پارىن جاريالادى. بىرەۋگە بۇل ءوز­گەرىس ەش جاڭالىق بولماۋى مۇمكىن. بىراق بۇل سالادا بىرنەشە جىل جۇرگەن مەن ءۇشىن بۇل ماڭىز­دى اقپارات. سول سەكىلدى تاعى ءبىر ءىرى كومپانيا ساتىپ الۋ جوسپارىن جا­ساۋعا دايىن ەكەنىن ايتىپ، وتان­دىق تاۋارلاردىڭ رەەسترىن سۇرادى. سوندىقتان بۇل جۇمىس كۇ­شەي­تىلەدى»، – دەدى پالاتا باسشىسى.

ونىڭ ايتۋىنشا، شەتەلدەن جۇمىس كۇشىن تارتۋدان بولەك، ءىرى كومپانيالارعا وتاندىق تاۋار­لاردى وتكىزۋگە دە نازار اۋدارىپ، قوعام بولىپ ىقپال ەتۋىمىز كەرەك. وتاندىق تاۋاردىڭ باعاسى مەن ساپاسى لايىق پا – ساتىپ السىن، ويتپەسە قانات بوزىمباەۆ ايتقان­داي، ليتسەنزيانى قايتارىپ الۋعا دەيىنگى شارا قابىلداعان ءجون.

«كازتسينك»، «قازاقمىس»، «ار­سەلور ميتتال» ەشقاشان وتاندىق ءونىمدى ساتىپ المايدى. جاۋاپ­كەرشىلىك دەگەن اتىمەن جوق. «قا­زاقمىس» قاجەتتىلىكتىڭ 50 پايىزىن الىپ وتىر. «ERG» كومپانياسى دا سەرىكتەستىككە دايىن. ەگەر ءبىز ويلى پروتەكتسيانى قولعا الماساق، وتاندىق تاۋاردى وسىرمەك تۇگىلى، قولداعى بارىمىزدان ايىرىلىپ قالۋىمىز مۇمكىن»، – دەيدى ول.

ءباسپاسوز ءماسليحاتىندا «اتا­مەكەن» كاسىپكەرلەر پالاتاسى جا­نىنان يمپورتتى الماستىرۋ ءجو­نىندەگى كەڭەس قۇرىلاتىنى بەلگىلى بولدى. كەڭەس الاڭىندا بيزنەس-قوعامداستىق ۋاكىلەتتى مەملەكەتتىك ورگاندارمەن، ۇيىمدار­مەن بىرلە­سىپ، جەرگىلىكتى قامتۋدى جانە رەت­تەلەتىن ساتىپ الۋ جۇيەسىن، كەدەن-تاريف ساياساتىن، تەحنيكالىق رەت­تەۋ، شيكىزات بازاسىن دامىتۋ، ينف­را­قۇرىلىمدىق دامۋ، مەملە­كەتتىك قولداۋ شارالارىنىڭ ءتيىم­دىلىگىن ارتتىرۋ، ونەركاسىپتىك كووپەرا­تسيانى دامىتۋ، سونداي-اق وڭدەۋ ونەركاسىبى دامۋىنا باي­لانىستى باسقا ماسەلەلەردى تالقىلايدى.

سوڭعى جاڭالىقتار