17 قاڭتار, 20:27 676 0 ساياسات انار لەپەسوۆا

ەلباسى قورى: يسەكەشەۆتىڭ ورنىن كىم باستى؟

قانات جۇماباەۆ قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ اتقارۋشى ديرەكتورى بولىپ تاعايىندالدى. بۇل تۋرالى ەلباسىنىڭ رەسمي سايتىندا حابارلاندى. 

"جۇماباەۆ قانات نەسىپبايۇلى قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ اتقارۋشى ديرەكتورى بولىپ تاعايىندالدى", - دەلىنگەن رەسمي حابارلامادا.

قانات نەسىپبايۇلى 1965 جىلى دۇنيەگە كەلگەن. م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن جانە ماسكەۋ مەملەكەتتىك حالىقارالىق قاتىناستار ينستيتۋتىن (مگيمو) سىرتقى ەكونوميكالىق قىزمەتتەر ءۇشىن ماماندار دايارلاۋ مەكتەبىن بىتىرگەن.

«قازاستىقترانس» جشس باسقارما توراعاسى، قازاقستان رەسپۋبليكاسى پرەزيدەنتى ءىس باسقارماسىنىڭ قىزمەتكەرى; «الاتاۋ» ەمدەۋ-ساۋىقتىرۋ كەشەنى» اق پرەزيدەنتى (2014 جىلدان); قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ اتقارۋشى ديرەكتورى قىزمەتتەرىن اتقارعان.

2016 جىلدىڭ جەلتوقسانىنان 2019 جىلدىڭ 25 ناۋرىزىنا دەيىن قر تۇڭعىش پرەزيدەنتى - ەلباسى قورىنىڭ اتقارۋشى ديرەكتورى; 

2019 جىلدىڭ ناۋرىزىنان قر تۇڭعىش پرەزيدەنتى - ەلباسى قورى اتقارۋشى ديرەكتورىنىڭ ورىنباسارى بولدى.

 2019 جىلدىڭ ناۋرىز ايىنان 2020 جىلدىڭ قاڭتارىنا دەيىن قر تۇڭعىش پرەزيدەنتى – ەلباسى قورىنىڭ اتقارۋشى ديرەكتورى قىزمەتىن اسەت يسەكەشەۆ اتقارعان بولاتىن.

سوڭعى جاڭالىقتار