17 قاڭتار, 17:50 4174 0 ونەر انار لەپەسوۆا

"انشىلەردىڭ شارۋاسىنا ارالاسپاڭىز!": مەيرامبەك بەسباەۆ زاعيپا باليەۆانىڭ قيتۇرقىلىعىن جايىپ سالدى

كۇنى كەشە قازاقستان ورىنداۋشىلار وداعىنىڭ باسقارما توراعاسى بولىپ سايلانعان مەيرامبەك بەسباەۆ Instagram پاراقشاسىندا زاعيپا باليەۆاعا حات جولداپ، انشىلەردىڭ قارجىسىنا قول سۇعۋدى دوعارۋدى تالاپ ەتتى.

مەيرامبەك بەسباەۆتىڭ جازۋىنشا، وداقتىڭ بۇرىنعى باسشىلىعى جاڭا باسشىلىققا قوقاڭ-لوققى جاساپ، ءارتۇرلى جاعىمسىز ارەكەتتەر ارقىلى قارسىلىق كورسەتۋدە. بەسباەۆ بۇرىنعى باسشىلىقتىڭ ارتىندا زاعيپا باليەۆا مەن ونىڭ ۇلى تۇرعانىن ايتتى.

"داۋىس بەرۋگە ۇيىمنىڭ ەڭ جوعارعى باسقارۋ ورگانى — قۇرىلتايشىلاردىڭ جالپى جيىنى جاساقتاعان باسقارما مۇشەلەرىنىڭ بارلىعى قاتىستى. سايلاۋ وتكىزۋگە قاجەتتى كۆورۋم بولدى. بارلىق رەگلامەنت پەن زاڭدىلىق تولىقتاي ساقتالدى. حاتتاما تولتىرىلىپ، مەنى باس ديرەكتور قىزمەتىنە كىرىسۋىم تۋرالى بۇيرىق تا شىعىپ قويدى. ەندى كەلىپ، بۇرىنعى باسشىلىق جاڭا باسشىلىققا قارسى قوقاڭ-لوققى كورسەتىپ، ءارتۇرلى جاعىمسىز ارەكەتتەر ارقىلى قارسىلىق كورسەتۋدە. بۇرىنعى باسشىلىقتىڭ ارتىندا ءسىزدىڭ ۇلىڭىز جانە ءوزىڭىز تۇر ەكەنسىز", - دەپ جازدى وداقتىڭ جاڭا توراعاسى.

سونداي-اق، ول انشىلەرگە تيەسىلى قارجىعا جاعالاسپاۋىن ءوتىندى.

ء"سىز زاڭدى تۇردە سايلانعان ماعان، باسقارما مۇشەلەرىنە قىسىم كورسەتىپ، ءارتۇرلى مەملەكەتتىك جانە قۇقىق قورعاۋ ورگاندارىنا تەلەفون شالىپ جاتىر ەكەنسىز. مۇنىڭىز مۇلدە دۇرىس ەمەس دەپ بىلەمىز! نەگە ءسىز انشىلەردىڭ شارۋاسىنا ارالاسىپ، الاشاپقىن بوپ جاتىرسىز؟! ءبىز سونى تۇسىنبەي وتىرمىز. بۇل ارەكەت-قىلىعىڭىز سىزدەي ۇلكەن مەملەكەت قايراتكەرىنە جاراسپايتىن شارۋا. انشىلەرگە تيەسىلى اقشاعا تەك ءسىزدىڭ بالاڭىز يەلىك ەتۋ كەرەك دەگەن وي سىزگە قايدان كەلگەن؟! ءبىز ءوز شارۋامىزدى ءوزىمىز شەشۋىمىز كەرەك، وزىمىزگە تيەسىلى قاراجاتتى ءوزىمىز تيىسىنشە جۇمساۋىمىز قاجەت. ەڭبەكتەن تۇسكەن قاراجات ءبىر قالتاعا، ناقتىراق ايتقاندا ءسىزدىڭ بالاڭىزعا ەمەس، مىڭ قالتاعا ياعني ماڭداي تەرىمەن تاۋىپ جۇرگەن انشىلەر مەن ءان وندەۋشىلەردىڭ قالتاسىنا ءتۇسۋ كەرەك. سىزدەن وسىنداي ارەكەتتەرىڭىزدى توقتاتۋدى تالاپ ەتەمىز!", - دەپ جازدى م.بەسباەۆ.

سوڭعى جاڭالىقتار