17 قاڭتار, 11:48 772 0 دەنساۋلىق انار لەپەسوۆا

اقتاۋدا مۇگەدەك قىزدىڭ ىشەگىنەن ءبىر تۇلىم شاش پەن ينە شىقتى

بەلگىلى اقتاۋلىق حيرۋرگ ناسۋحان وتارعازيەۆ 14 جاستاعى مۇمكىندىگى شەكتەۋلى قىزعا كۇردەلى وتا جاساپ، ىشەگىنەن ءبىر تۇلىم شاش پەن ينە الىپ شىقتى. بۇل تۋرالى Facebook الەۋمەتتىك جەلىسىندە ازامات سارسەنباەۆ ەسىمدى قولدانۋشى جازدى. 

ونىڭ ايتۋىنشا، 15 قاڭتار كۇنى كەشكە ماڭعىستاۋ وبلىستىق بالالار اۋرۋحاناسىندا دارىگەر ناسۋحان وتارعازيەۆ 14 جاستاعى مۇگەدەك قىزعا شۇعىل تۇردە وتا جاساپ، ناۋقاستىڭ ءومىرىن امان ساقتاپ قالعان.

سارسەنباەۆتىڭ جازۋىنشا، 14 جاستاعى ناۋقاس بالالار اۋرۋحاناسىنا ءىشىنىڭ قاتتى اۋىراتىنىنا شاعىم ايتىپ، اۋىر جاعدايدا تۇسكەن. دارىگەر ىشكى اعزاسىنا رەنتگەن جاساعاننان كەيىن بوتەن زاتتى تاپقان.

"وتارعازيەۆتىڭ شۇعىل ارالاسۋىنىڭ ارقاسىندا وتا جاساۋ بارىسىندا قىزدىڭ ىشەگىنەن ءبىر تۇلىم شاش پەن ينە ءساتتى الىندى. وتا جاسالعاننان كەيىنگى كەزەڭدە اسقىنۋ بولعان جوق. دارىگەردىڭ ايتۋىنشا، بالا قاناعاتتانارلىق جاعدايدا", - دەيدى سارسەنباەۆ.

سوڭعى جاڭالىقتار