17 قاڭتار, 10:41 705 0 اتاجۇرت Túrkistan Gazeti

مۇراتتىڭ ماسەلەسى نازارعا الىندى

حالىقارالىق Túrkistan  گازەتىنىڭ قانداستارعا ارنالعان ATAJURT جوباسى اياسىندا، گازەتتىڭ وتكەن سانىندا (№1/ 9 قاڭتار 2020) 32 جىل بويى قولىنا ءبىر دە ءبىر قۇجات تيمەي جۇرگەن مۇرات ەسىمدى جىگىت جايىندا «مۇرات قاشان مۇراتىنا جەتەدى؟» دەگەن تاقىرىپتا ماقالا جاريالانعان بولاتىن.

مۇراتتىڭ جايى ەگجەي-تەگجەيلى زەرتتەلىپ، گازەت بە­تىندە ماسەلە كوتەرىلگەننەن كەيىن بۇل ىسكە قۇ­زىرلى ورىندار دا مويىن بۇرىپ، قوز­عال­عانداي بول­دى.

Nur Otan پارتياسىنىڭ قوعامدىق قابىل­داۋىنىڭ ارقاسىندا، ىشكى ىستەر ءمينيسترىنىڭ ورىنباسارى ارىستانعالي راسىلحانۇلىنىڭ قابىل­داۋىندا بولىپ، 32 جىل بويى ازاماتتىق الا الماي جۇرگەن مۇراتتىڭ ماسەلەسىن جەتكىزدىك. ارىستانعالي مىرزا بۇل ءىستى بىردەن تۇركىستان وبلىسى كوشى-قون باسقارماسىنا تاپسىردى. سونىمەن قاتار ءىستى ءوزى دە نازاردا ۇستايتىنىن ايتتى. «قانشاما جىل تالاي ەسىكتى قاقتىق، ەشتەڭە العا جۇرمەگەن ەدى.  ەندى ماسە­لە­نىڭ وڭالىپ كەلە جاتقانىن ەستىگەن مۇرات «ەلى بار، جەرى بار، ازاماتتارىنىڭ قۇقىعىن قورعايتىن زاڭى بار وركەنيەتتى ەلدىڭ ازاماتى بولاتىن بولدىم» دەپ قۋانعاننان كوزىنە جاس الدى»، – دەيدى دۇنيەجۇزى قازاقتارىنىڭ قاۋىم­داستىعى اقمولا وبلىستىق بولىمشەسىنىڭ جەتەكشىسى التىن مادەنقىزى.

ءبىز وسىدان كەيىن ىشكى ىستەر مينيسترلىگىنە حا­بارلا­سىپ، ءىستىڭ جۇزەگە اسۋ بارىسىن سۇراعان ەدىك. قۇ­زىرلى ورىننىڭ قىزمەتكەرى سەيتجان سابىر­جانۇلى:

«مۇراتتىڭ ماسەلەسى بىزگە جەتتى. تانىستىق. بىردەن احاج بولىمىنە حابارلاسىپ كوردىم، قالاي قۇ­جات الۋعا بولادى دەپ. ازاماتتىق الۋ ءۇشىن اۋەلى ازا­ماتتىڭ تۋ تۋرالى كۋالىگى كەرەك. مۇنداي كۋالىك مۇراتتا جوق. ونى الۋدىڭ ەكى زاڭدى جولى بار ەكەن. ءبىرى – تۋعان كەزدە بەرىلەتىن پەرزەنت­حانانىڭ انىق­تامالىعى. ەكىنشىسى سوت ارقىلى. ياعني، مۇراتتى تاني­تىن ازاماتتاردىڭ كۋاگەرلىگى­مەن جانە ازامات­تىڭ ارىزىمەن قارالادى. مۇرات وزبەكستاننان كەلگەننەن كەيىن تۇراقتاعان جەرى تۇركىستان وبلىسى، ورداباسى اۋدانى بولعاندىق­تان، بۇل ءىس تۇركىستان وبلىسىنا جىبەرىلدى»، – دەپ ءىس­تىڭ ءمان-جايىن تەلەفون ارقىلى ءتۇسىندىردى.

باقىتبەك قادىر

سوڭعى جاڭالىقتار