16 قاڭتار, 18:53 857 0 ىشكى ساياسات انار لەپەسوۆا

پاۆلودار وبلىسى اكىمىنە قاتىستى قىلمىستىق ءىس قوزعالدى – ۇقك

پاۆلودار وبلىسىنىڭ اكىمى بولات باقاۋوۆقا قاتىستى قىلمىستىق ءىس قوزعالدى. بۇل تۋرالى قر ۇلتتىق قاۋىپسىزدىك قىزمەتىنىڭ ءباسپاسوز قىزمەتى حابارلادى. 

"ۇلتتىق قاۋىپسىزدىك كوميتەتى 2020 جىلدىڭ 15 قاڭتارىندا پاۆلودار وبلىسىنىڭ اكىمى بولات باقاۋوۆقا قاتىستى لاۋازىمدىق ۋاكىلەتتىلىكتەرىن اسىرا پايدالانۋ فاكتىسى بويىنشا قر قك 362-بابىنىڭ 2-ءبولىمى 3-تارماعى بويىنشا تىركەلگەن قىلمىستىق ىسكە سايكەس جەدەل-تەرگەۋ ءىس-شارالارىن جۇرگىزدى", - دەپ جازىلعان ۇلتتىق قاۋىپسىزدىك كوميتەتىنىڭ سايتىندا.

قازىرگى ۋاقىتتا تەرگەۋ امالدارى جالعاسۋدا. وسى ۋاقىتتا باسقا مالىمەت تەرگەۋ مۇددەسىنە سايكەس جاريالاۋعا جاتپايدى.

15 قاڭتاردا WhatsApp مەسسەندجەرىندە پاۆلودار وبلىسىنىڭ اكىمى بولات باقاۋوۆتىڭ ۇستالعانى تۋرالى اقپارات تارادى. اۋديودا اكىمنىڭ جينالىس ۇستىندە ۇستالعانى ايتىلعان.

 

سوڭعى جاڭالىقتار