16 قاڭتار, 12:23 631 0 الەۋمەت انار لەپەسوۆا

"الەمنىڭ ۇزدىك مۇعالىمى" اتانعان اقتاۋلىق مۇعالىم انگليادا ءبىلىم الۋ گرانتىنان باس تارتتى

25 جاستاعى اقتاۋلىق مۇعالىم جىگەر تەلەۋحانوۆ لوندوندا وتكەن بايقاۋدا "الەمنىڭ ۇزدىك مۇعالىمى" اتاندى. انگليادا ءبىلىم الۋ الۋ گرانتىن جەڭىپ العان جاس ۇستاز بۇل مۇمكىندىكتەن باس تارتىپ، ەلگە قىزمەت ەتۋگە بەل بۋعان. بۇل تۋرالى "ماڭعىستاۋ" تەلەارناسى حابارلادى. 

جاس پەداگوگ انگليادا وتكەن ۇستازدار اراسىنداعى حالىقارالىق بايقاۋ  قاتىسىپ، "حيميا پانىنەن الەمنىڭ ۇزدىك مۇعالىمى" قۇرمەتتى اتاعىن جەڭىپ العان. اتالمىش كونكۋرسقا الەمنىڭ 100-دەن اسا ۇستازداردى قاتىسىپتى.

سايىستىڭ جەڭىمپازىنا انگليادا تەگىن ماگيسترلىك ءبىلىم الۋ سەرتيفيكاتى تابىستالعان. الايدا جىگەر تەلەۋحانوۆ گرانتتان باس تارتىپ، ەلگە قىزمەت ەتۋدى ءجون دەپ تاپقان.

ء"بىزدىڭ بورىشىمىز بار. ءاليحان بوكەيحانوۆ اتامىز، احمەت بايتۇرسىنۇلى، اباي قۇنانباەۆ سياقتى ۇلى ءبىزدىڭ زيالىلارىمىز ءوز زامانىندا جاستاردىڭ ءبىلىمىن اشۋ كەرەك دەپ وزدەرىن پيدا ەتكەن بولسا، ءبىز ولاردىڭ جانىندا ەشقانداي قىزمەت اتقارعان بولىپ سانالمايمىز. ءدال سولاردىڭ جولىن قۋاتىن تەك قانا قازاقتىڭ قاراپايىم قارا دومالاق بالاسىنىڭ ءبىرىمىز عوي", - دەدى پەداگوگ.

جىگەر تەلەۋحانوۆ جەتى تىلدە ەركىن سويلەيدى. ول قازاق ۇلتتىق ۋنيۆەرسيتەتىندە وقىپ، ءبىلىمىن انگليا مەن فرانتسيادا جالعاستىرعان. بۇگىندە جاس ۇستاز وقۋشىلارىن حيميا پانىنەن رەسپۋبليكالىق وليمپياداعا دايىنداۋ ۇستىندە. تەلەۋحانوۆ شاكىرتتەرىنىڭ التىننان القا تاعىناتىنىنا سەنىمدى.

سوڭعى جاڭالىقتار