15 قاڭتار, 09:02 363 0 جاڭالىقتار اسىل تۇمار

جالعان فيرما ارقىلى 3,9 ملرد تابىس تاپقان قىلمىستىق توپ ۇستالدى

سۋرەت عالامتوردان الىندى
سۋرەت عالامتوردان الىندى

الماتىدا جالعان فيرمالار ارقىلى 3,9 ميلليارد تەڭگە شەشكەن ۇيىمداسقان قىلمىستىق توپ مۇشەلەرى ۇستالدى، – دەپ حابارلادى قالالىق ەكونوميكالىق تەرگەۋ دەپارتامەنتىنىڭ ءباسپاسوز قىزمەتى.

بىلتىر 22 تامىز بەن 31 جەلتوقسان ارالىعىندا 41 سوتقا دەيىنگى ءوندىرىس جۇرگىزىلدى. ونىڭ ىشىندە، بەس ۇيىمداسقان قىلمىستىق توپ قۇرۋ دەرەگى انىقتالعان.

ولار بانك ەسەپشوتتارىنان سونداي اقشا شىعارۋ فيرمالارى ارقىلى اقشالاي قاراجاتتى الىپ وتىرعان.

«التى كۇدىكتىگە قاتىستى قاماۋعا الۋ بۇلتارتپاۋ شاراسى شىعارىلعان. مەملەكەتكە كەلتىرىلگەن شىعىندى وتەۋ ماقساتىندا ولاردىڭ مۇلكى تاركىلەنەدى. مىسالى، ازامات ت. باسقارعان ۇيىمداسقان قىلمىستىق توپ 2017-2019 جىلدارى ارالىعىندا ءوزى باسقاراتىن جەتى كومپانيا ارقىلى بانك ەسەپشوتتارىنان 3,9 ميلليارد تەڭگەنى قولما-قول اقشاعا اينالدىرعان» دەلىنگەن حابارلامادا.

ايتا كەتەيىك، پروكۋراتۋرانىڭ باستاماسىمەن جالعان ەسەپشوت-فاكتۋرالاردى جازىپ بەرۋ ارقىلى جاسالعان مامىلەلەردى جارامسىز دەپ تانىلدى.

ناتيجەسىندە، سوتتارعا 123 ميلليارد تەڭگەدەن اسا سوماعا كۇماندى كومپانيالار ارقىلى مامىلەلەردى جارامسىز دەپ تانۋ تۋرالى 820 تالاپ ارىز ءتۇستى، ونىڭ ىشىندە، 32,5 ميلليارد تەڭگەگە 179 ءىس شەشىمىن تاپتى.

سوڭعى جاڭالىقتار