14 قاڭتار, 21:06 424 0 سپورت انار لەپەسوۆا

«اقتوبەگە» جاڭا باس باپكەر كەلدى

رەسەيلىك جاتتىقتىرۋشى ۆلاديمير مامينوۆ «اقتوبە» كلۋبىنىڭ باس باپكەرى قىزمەتىنە كىرىستى. بۇل تۋرالى كلۋبتىڭ ءباسپاسوز قىزمەتى حابارلادى. 

جۇمىسقا كىرىسىپ، كوماندا قۇرامىن جاساقتاي باستاعان جاڭا باس باپكەر «اقتوبەمەن» بىرگە جۋىردا تۇركيادا وتەتىن ءبىرىنشى وقۋ-جاتتىعۋ جيىنىنا اتتاناتىن بولادى.

ۆ.مامينوۆ فۋتبولشى رەتىندە ماسكەۋلىك «لوكوموتيۆ» قۇرامىندا 1992-2008 جىلدارى دوپ تەپتى. وزبەكستان قۇراماسىندا دا ويناعان 45 جاستاعى ۆ.مامينوۆ باپكەرلىك مانسابىن «لوكوموتيۆتە» باستاپ، باس باپكەردىڭ كومەكشىسى بولدى. ۋاقىتشا باس باپكەرلىك مىندەتىن اتقارعان ول كەيىن قازاننىڭ «رۋبين» كلۋبىنا اۋىستى. 2014 جىلدان باستاپ «حيمكي»، «سولياريس» (ماسكەۋ), «تيۋمەن» كلۋبتارىن باس باپكەر رەتىندە جاتتىقتىردى.

كەزىندە بەس مارتە ەل چەمپيونى، ءۇش رەتتەن كۇمىس جانە قولا جۇلدەگەر اتانعان «اقتوبە» وتكەن ماۋسىمدا پرەمەر-ليگادان ءتۇسىپ قالعان بولاتىن. بيىل ۆ.مامينوۆتىڭ جەتەكشىلىگىمەن وعان قايتا ورالۋدى ماقسات ەتەتىنى ءسوزسىز.

 

سوڭعى جاڭالىقتار