14 قاڭتار, 19:39 754 0 زاڭ انار لەپەسوۆا

بالالارىنا اليمەنت تولەمەگەن الماتىلىق 1 جىلعا سوتتالدى

الماتى قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان سوتى 36 جاستاعى الماتىلىق اندرەي باحتينگە قاتىستى ۇكىم شىعاردى. 

"الماتى" تەلەارناسىنىڭ حابارلاۋىنشا، سوتتالعان ازامات 2009 جىلدان بەرى بۇرىنعى ايەلى يۋليا باحتينانىڭ ەكى كامەلەتكە تولماعان بالاسىنا 1 تيىن دا اليمەنت تولەمەگەن. بالالاردىڭ ۇلكەنى 13 جاستا، ال كىشىسى 11-دە. اليمەنت تولەۋدەن جالتارۋ ءۇشىن ول سوت ورىنداۋشىلارىنان جاسىرىنىپ، تۇرعىلىقتى جەرىن ۇنەمى اۋىستىرىپ وتىرعان.

2017 جىلى سوت شەشىمىنە سايكەس، باحتين ىزدەۋشىلەر تىزىمىنە الىندى. ونىڭ جارى يۋليا باحتينا 2015 جىلدان باستاپ سوتقا بەرىپ كەلەدى، دەسە دە ونىڭ ارىزى قارالماي 9 رەت رەسمي توقتالىپ وتىرعان. الايدا، جابىرلەنۋشى تاراپتىڭ ادۆوكاتى پولينا گابدراحمانوۆا مەن جەتىسۋ اۋداندىق پوليتسيا بولىمشەسىنىڭ قىزمەتكەرلەرى بورىشكەردىڭ ەكى جەردە رەسمي ەمەس جۇمىس جاسايتىنىن انىقتادى.  ناتيجەسىندە، الماتى قالاسىنىڭ يۋۆەنالدى سوتى ءباحتيندى 139-بابى بويىنشا كىنالى دەپ تانىپ، 1 جىلعا باس بوستاندىعىنان ايىرۋعا ۇكىم شىعاردى.

تەگتەر سوت اليمەنت

سوڭعى جاڭالىقتار