14 قاڭتار, 18:49 553 0 دەنساۋلىق انار لەپەسوۆا

اۋىرماعان ادامنىڭ ساقتاندىرۋ قورىنا اۋدارعان اقشاسى قايدا جۇمسالادى؟

ءبىر جىل بويى اۋىرماعان ازاماتتىڭ  مىندەتتى ساقتاندىرۋعا اۋدارعان اقشاسى قايدا جۇمسالادى؟ بۇل ساۋالعا «الەۋمەتتىك مەديتسينالىق ساقتاندىرۋ قورىنىڭ» نۇر-سۇلتان قالاسى بويىنشا فيليالىنىڭ ديرەكتورى ايدار سيتقازينوۆ جاۋاپ بەردى. 

«ەگەر وسى جىلى اۋىرماعان بولساڭىز - ساقتاندىرۋعا اۋدارعان اقشاڭىز قايتارىلمايدى. مەديتسينالىق ساقتاندىرۋدىڭ قاعيداسى: دەنى ساۋ ادام ناۋقاس ءۇشىن، باي ادام كەدەي ادام ءۇشىن تولەيدى. ەگەر بيىل اۋىرماعان بولساڭىز – ساقتاندىرۋعا اۋدارعان اقشاڭىز اۋىرعان ادامداردىڭ ەمىنە جۇمسالادى. ال ەگەر كەلەسى جىلى ءسىز اۋىرىپ قالساڭىز – ساقتاندىرۋعا قانشا جيناعانىڭىزعا قاراماستان، سىزگە دە تولىق مەديتسينالىق قىزمەت تۇرلەرى كورسەتىلەدى»، - دەدى ايدار سيتقازينوۆ بۇگىن ەلوردا اكىمدىگىندە وتكەن ءباسپاسوز ءماسليحاتىندا.

سونداي-اق، ول نە سەبەپتى جەكە كلينيكالار دا قارجىلاندىرىلاتىنىن ءتۇسىندىردى. «مۇنىڭ ءبارى مەديتسينالىق ۇيىمدار اراسىندا باسەكە بولۋى ءۇشىن كەرەك. باسەكە بولعان جەردە جۇمىس ساپالى بولادى»، - دەدى ول.

 

سوڭعى جاڭالىقتار