14 قاڭتار, 18:03 431 0 دەنساۋلىق انار لەپەسوۆا

جۇرەگى ۇستاپ قالعان: الماتىدا جاياۋ جۇرگىنشىنى قاعىپ كەتكەن جۇرگىزۋشى كوز جۇمدى

الماتىدا كولىك جۇرگىزۋشىسى قالاداعى ىقشاماۋدانداردىڭ بىرىندەگى كوپقاباتتى تۇرعىن ءۇيدىڭ اۋلاسىندا جاياۋ جۇرگىنشىنى قاعىپ كەتىپ، دەنساۋلىعىنا بايلانىستى كوز جۇمدى. 

اپات بۇگىن، تاڭعى 11 شاماسىندا اباي مەن التىنسارين كوشەلەرىنىڭ قيىلىسىنداعى ۇيلەردىڭ اۋلاسىندا بولدى، دەپ حابارلايدى Sputnik قازاقستان.

كۋاگەرلەردىڭ سوزىنشە، Volkswagen كولىگىنىڭ 1959 جىلعى جۇرگىزۋشىسىنىڭ اۋلادان شىعىپ بارا جاتقان كەزدە جۇرەگى ۇستاپ قالعان. سالدارىنان ەر ادام تەمىر تۇلپاردى تىزگىندەي الماي، جاياۋ جۇرگىنشىنى قاعىپ كەتكەن.

سوڭىنان كولىك ۇشىپ بارىپ، اعاشقا سوعىلدى.

وقيعا ورنىنا كەلىپ جەتكەن جەدەل جاردەم قىزمەتى ءتۇرلى جاراقات العان جابىرلەنۋشىنى اۋرۋحاناعا الىپ كەتكەن. ال كولىك جۇرگىزۋشىسىنە كومەكتەسۋ مۇمكىن بولمادى. ول وقيعا ورنىندا قايتىس بولعان.

"وقيعا فاكتىسى تىركەلدى. اپاتتىڭ سالدارىن انىقتايتىن بىرنەشە ساراپتاما تاعايىندالدى. كولىكتى تىزگەندەۋ كەزىندە جۇرگىزۋشىنىڭ دەنساۋلىعى ناشارلادى دەگەن نۇسقا دا تەكسەرىلەدى", - دەپ حابارلادى الماتى پد-ءنىڭ ءباسپاسوز قىزمەتى Sputnik قازاقستانعا.

سوڭعى جاڭالىقتار