14 قاڭتار, 15:41 617 0 قاۋىپسىزدىك انار لەپەسوۆا

Fokker 100 ۇشاعىنىڭ قارا جاشىگىندەگى دەرەكتەر وقىلدى

بۇل تۋرالى مەملەكەتارالىق اۆياتسيا كوميتەتىنىڭ سايتىندا حابارلاندى. 

بارلىق اقپارات تەرگەۋ كوميسسياسىنا بەرىلگەن، دەپ حابارلايدى "الماتى" ارناسى.

"وزدىگىنەن جازعىش دەرەكتەرى وقيعانىڭ حرونولوگياسىن قالپىنا كەلتىرۋگە جانە اۋە اپاتىنىڭ ناقتى سەبەبىن انىقتاۋعا مۇمكىندىك بەرەدى", -  دەلىنگەن حابارلامادا.

حالىقارالىق ازاماتتىق اۆياتسيا ۇيىمىنىڭ ستاندارتتارىنا – چيكاگو كونۆەنتسياسىنىڭ 13-قوسىمشاسىنا سايكەس تەكسەرۋگە اۋە كەمەسىن ازىرلەۋشى جانە جاساۋشى مەملەكەتتىڭ ۋاكىلەتتى وكىلى مەن كەڭەسشىلەرى قاتىسادى. گوللانديانىڭ ۋاكىلەتتى وكىلىنە پارامەترلىك جازبا بەرىلگەن.

كوميتەتتىڭ تاراتقان اقپارىنا ساي، تەكسەرۋ جونىندەگى كوميسسيانىڭ شەشىمى بويىنشا جۇمىستار باستالدى. ماماندار اپاتتىق ۇشۋ كەزىندە اۋە كەمەسىنىڭ ناقتى اەروديناميكالىق سيپاتتامالارىن جانە ولارعا سىرتقى فاكتورلاردىڭ قانشالىقتى اسەر ەتكەنىن انىقتايتىن بولادى.

سوڭعى جاڭالىقتار