13 قاڭتار, 18:04 779 0 شوۋ-بيزنەس انار لەپەسوۆا

ديماشتىڭ كرۋتويمەن كەلىسپەي قالعانى راس پا؟

ديماش قۇدايبەرگەنوۆتىڭ رەسەيلىك تانىمال كومپوزيتور يگور كرۋتويمەن سەرىكتەستىگىن ۇزگەنى راس پا؟ ءانشىنىڭ رەسمي وكىلى قازاقستاندىق ونەر يەسىنىڭ شىعارماشىلىعىنا قاتىستى قاۋەسەتتەرگە جاۋاپ بەردى. 

ديماش قۇدايبەرگەننىڭ كەزەكتى جۇلدەسىن الىپ، قىتايداعى "ەڭ ۇزدىك ءانشى" اتانعانى سول ەدى، جەلىدە ونەر يەسىنىڭ كومپوزيتور يگور كرۋتويمەن سەرىكتەستىگىن بۇزعانى تۋرالى حابار تارادى، دەپ جازادى Nur.kz. 

رەسەيلىك دەرەككوزگە سىلتەمە جاساعان كەيبىر قازاقستاندىق باسىلىمدار ءانشىنىڭ كرۋتويمەن قوش ايتىسىپ، وڭتۇستىك كورەيالىق پروديۋسەر سونگ كۆان سيكپەن ىنتىماقتاستىق ورناتقانىن حابارلادى.

الايدا "ديماشالي" شىعارماشىلىق ورتالىعىنىڭ رەسمي وكىلى نازىم جانعازينوۆا اتالعان اقپاراتتى جوققا شىعاردى. انىقتالعانداي، ديماش و باستان بەيجىڭدىك "BG Talent" كومپانياسىمەن بىرگە جۇمىس ىستەيدى.

سونىمەن قاتار، مۋزىكانت اقش-تىڭ BMG ەntertainment كومپانياسىنىڭ وكىلدەرى مەن شۆەتسيا، انگليا، كورەيا، قىتاي، فرانتسيا، رەسەي جانە باسقا دا ەلدەردىڭ كومپوزيتورلارىمەن شىعارماشىلىق بايلانىستا ەكەن.

"سوڭعى كەزدەرى جەلىدە ديماش قۇدايبەرگەنوۆ پەن كومپوزيتور يگور كرۋتويدىڭ شىعارماشىلىق قارىم-قاتىناسىنا بايلانىستى شىندىققا جاناسپايتىن اقپاراتتار لەگى كوبەيە ءتۇستى. تۇسىندىرۋگە رۇقسات بەرىڭىزدەر...ءارتىستىڭ بارلىق پروديۋسەرلىك قىزمەتى "ديماشالي" شىعارماشىلىق ورتالىعىمەن ىسكە اسادى.يگور كرۋتوي مەن ديماش قۇدايبەرگەنوۆتىڭ اراسىندا بۇگىنگى تاڭعا دەيىن كەلە جاتقان شىعارماشىلىق جانە دوستىق قارىم-قاتىناس ورناعان. يگور كرۋتويدىڭ كومپانياسىمەن بىرگە 2020 جىلعا جوسپارلانعان بارلىق كونتسەرتتەر گرافيك بويىنشا جۇزەگە اسادى", - دەگەن نازىم جانعازينوۆا بۇدان ءارى كۇمان تۋدىراتىن دەرەككوزدەردەن الىنعان اقپاراتتى قولدانباۋعا شاقىردى.

سوڭعى جاڭالىقتار