13 قاڭتار, 12:17 899 0 ەكونوميكا انار لەپەسوۆا

وتاندىق كاسىپكەرلەر 3 جىلعا سالىق تولەۋدەن بوساتىلدى

قازاقستاندا كاسىپكەرلەر ءۇش جىلعا سالىق تولەۋدەن بوساتىلدى. بۇل تۋرالى قر ۇلتتىق ەكونوميكا مينيسترلىگىنىڭ ءباسپاسوز قىزمەتى حابارلادى.

وتكەن جىلدىڭ سوڭعى كۇندەرىندە مەملەكەت باسشىسى ميكرو جانە شاعىن بيزنەستى تابىس سالىعىنان ءۇش جىلعا بوساتاتىن زاڭعا قول قويدى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە وڭالتۋ جانە بانكروتتىق راسىمدەرىن، بيۋدجەت، سالىق زاڭناماسىن جانە تەمىرجول كولىگى تۋرالى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى ارقىلى 2020 جىلعى 1 قاڭتاردان باستاپ، 2023 جىلعى 1 قاڭتارعا دەيىن بىرقاتار وتاندىق سالىق تولەۋشىلەردى سالىق تولەۋدەن بوساتىلدى.

ۇلتتىق ەكونوميكا مينيسترلىگىنىڭ دەرەكتەرى بويىنشا، بۇل شاعىن جانە ورتا بيزنەس وكىلدەرىنىڭ سالىق جۇكتەمەسىن جەڭىلدەتۋ ءۇشىن جاسالۋدا.

«زاڭناماعا سايكەس ميكرو بيزنەس - بۇل 15 ادامعا دەيىنگى جۇمىسشىسى بار جانە جىلدىق تابىسى 30 مىڭ اەك (79 ملن تەڭگە) دەيىنگى جەكە كاسىپكەرلەر، شاعىن بيزنەس – بۇل 100 ادامعا دەيىنگى جۇمىسشىسى جانە 300 مىڭ اەك (795 ملن تەڭگە) جىلدىق تابىسى بار جەكە كاسىپكەرلەر مەن زاڭدى تۇلعالار. تابىسقا سالىناتىن سالىق – زاڭدى تۇلعالار ءۇشىن كورپوراتيۆتىك تابىس سالىعى، جەكە كاسىپكەرلەر ءۇشىن جەكە تابىس سالىعى، شارۋا نەمەسە فەرمەر قوجالىقتارى ءۇشىن بىرىڭعاي جەر سالىعى، سونداي-اق وڭايلاتىلعان دەكلاراتسيا نەگىزىندە اسر قىزمەتىن جۇزەگە اسىراتىن كاسىپكەرلەر ءۇشىن الەۋمەتتىك سالىق بولىپ تابىلادى. بارلىق قالعان سالىقتار مەن تولەمدەر مىندەتتەمەلەر تۋىنداعان كەزدە تولەنەدى»، دەلىنگەن حابارلامادا.

بۇل رەتتە، سالىق تولەۋدەن بوساتۋ ارنايى سالىق رەجىمدەرىن (اسر) قولداناتىن شاعىن جانە شاعىن كاسىپكەرلىك سۋبەكتىلەرىنە قولدانىلادى.

سونىمەن قاتار، مىنالاردى ورىندايتىن سالىق تولەۋشىلەر سالىقتان بوساتىلمايدى:

1) ەسىرتكى قۇرالدارىنىڭ، پسيحوتروپتىق زاتتار مەن پرەكۋرسورلاردىڭ اينالىمىنا بايلانىستى قىزمەتتى;

2) اكتسيزدەلەتىن ءونىمدى ءوندىرۋدى جانە (نەمەسە) كوتەرمە ساۋدادا ساتۋدى; 3) استىق قابىلداۋ پۋنكتتەرىندە استىقتى ساقتاۋ بويىنشا قىزمەتتى;

4) لوتەرەيا وتكىزۋدى;

5) ويىن بيزنەسى سالاسىنداعى قىزمەتتى;

6) راديواكتيۆتى ماتەريالدار اينالىمىنا بايلانىستى قىزمەتتى;

7) بانكتىك قىزمەتتى (نە بانك وپەراتسيالارىنىڭ جەكەلەگەن تۇرلەرى) جانە ساقتاندىرۋ نارىعىنداعى قىزمەتتى (ساقتاندىرۋ اگەنتىنىڭ قىزمەتىنەن باسقا);

8) اۋديتورلىق قىزمەتتى;

9) باعالى قاعازدار نارىعىنداعى كاسىبي قىزمەتتى;

10) كرەديتتىك بيۋرولاردىڭ قىزمەتىن;

11) كۇزەت قىزمەتىن; 1

2) ازاماتتىق جانە قىزمەتتىك قارۋ مەن ونىڭ پاتروندارىنىڭ اينالىمىنا بايلانىستى قىزمەتتى;

13) جەر قويناۋىن پايدالانۋ سالاسىنداعى قىزمەتتى، ونىڭ ىشىندە التىن ىزدەۋشىلەردىڭ قىزمەتىن;

14) پايدالى قازبالاردى ساتۋدى، ونىڭ ىشىندە ترەيدەرلەر قىزمەتىن، كومىر، مۇناي ساتۋ بويىنشا قىزمەتتى;

15) بەنزيننىڭ، ديزەل وتىنى مەن مازۋتتىڭ مۇناي ونىمدەرىنىڭ جەكەلەگەن تۇرلەرىن بولشەك ساۋدادا ساتۋدى;

16) سىرتقى ەكونوميكالىق قىزمەتتى.

«تابىسقا سالىناتىن سالىقتاردان بوساتۋ 1,2 ملن ميكرو جانە شاعىن كاسىپكەرلىك سۋبەكتىسىنە قولدانىلادى. بۇل بيزنەسكە ءۇش جىل ىشىندە 380 ملرد تەڭگەدەن استام قاراجات ۇنەمدەۋگە، بوساعان قاراجاتتى ءوز قىزمەتىن دامىتۋعا باعىتتاۋعا مۇمكىندىك بەرەدى»، دەلىنگەن حابارلامادا.

 

سوڭعى جاڭالىقتار