13 قاڭتار, 11:26 378 0 سپورت انار لەپەسوۆا

يران تاريحىندا وليمپيادا چەمپيونى اتانعان جالعىز قىز ەلدەن ءبىرجولا كەتتى

يران تاريحىندا وليمپيادا ويىندارىنىڭ جۇلدەگەرى اتانعان جالعىز سپورتشى قىز ەلدەن ساياسي سەبەپتەرمەن كەتىپ قالعانىن مالىمدەدى. بۇل تۋرالى  راديو سۆوبودا حابارلادى. 

21 جاستاعى كيميا اليزادە 2016 جىلى ريو-دە-جانەيروداعى وليمپيادا ويىندارىندا تحەكۆوندودان قولا جۇلدە العان.

ول ءوزىنىڭ شەشىمى جايلى Instagram جەلىسىندە جاريالادى.

"نەدەن باستاۋىما بولادى؟ سالەمدەسۋدەن بە، قوشتاسۋدان با الدە كوڭىل ايتۋدان با؟",- دەپ جازدى سپورتشى.

اليزادە ءوزىن "يراندا قانالعان ميلليونداعان ايەلدىڭ ءبىرى" دەپ ەسەپتەيدى. بويجەتكەننىڭ سوزىنشە، ول يراندى الەمدىك ارەنادا تانىستىرعاندا ەركىندىك سەزىنە الماعان.

"مەن ۇنەمى ماعان كورسەتكەن سوزدەردى قايتالاپ، بۇيىرعان كيىمدى كيۋگە ءماجبۇر بولدىم. ءبىز تەك قۇرالمىز. تەك جۇلدەمىز عانا باعالانادى. سەبەبى، ول ساياسي ماقساتتاردا پايدالانىلادى", - دەيدى ول.

سپورتشىنىڭ سوزىنشە، ول قاۋىپسىز جەردە باقىتتى ءومىر ءسۇرىپ، تەكۆوندومەن اينالىسقىسى كەلەدى.

"مەن ۇيدە ۇستەل باسىندا وتىرىكپەن، جالعاندىقپەن جانە ادىلەتسىزدىكپەن وتىرعىم كەلمەيدى", - دەگەن كيميا بۇل شەشىمدى قابىلداۋ وليمپيادادا جۇلدە الۋدان دا اۋىر بولعانىن اتاپ ءوتتى.

سپورتشى ەندى قاي ەلدىڭ نامىسىن قورعايتىنى بەلگىسىز. وسىعان دەيىن ونىڭ نيدەرلاندىدا جاتتىعىپ جۇرگەنى جايلى ايتىلعان ەدى. اليزادەنىڭ كوشىپ كەتكەنى تۋرالى سىبىس بىرنەشە كۇن بۇرىن تاراعان. ەندى ونى سپورتشىنىڭ ءوزى دە راستاپ وتىر.

سوڭعى جاڭالىقتار