23 جەلتوقسان 2019, 19:06 1013 0 قاۋىپسىزدىك انار لەپەسوۆا

WhatsApp ارقىلى جەكە كۋالىك پەن بانك كارتالارىنىڭ سۋرەتىن جىبەرۋگە بولمايدى

قر ىشكى ىستەر مينيسترلىگى جەكە كۋالىك پەن بانك كارتالارىن WhatsApp ارقىلى جولداماۋعا شاقىرادى، دەپ حابارلايدى قازاقپارات.

«قاۋىپسىزدىك ءۇشىن كىلت سوزدەردى (الەۋمەتتىك جەلىدە نەمەسە تەلەفوندا) ءجيى وزگەرتىپ تۇرعان ءجون. سەبەبى، قازىر قولىڭىزداعى تەلەفوندا ءبارى ساقتالادى. ومىرىڭىزدە ءبىر رەت بولسىن، WhatsApp ارقىلى جەكە كۋالىكتىڭ سۋرەتىن جىبەرگەن بولارسىزدار. كەي جاعدايدا ازاماتتار بانك كارتالارىنىڭ دا سۋرەتىن جولدايدى. مۇندايدان ساقتانۋ كەرەك. ويتكەنى، بۇل قۇجاتتاردىڭ كوشىرمەسىمەن-اق ونلاين-ساۋدا جاساي بەرۋگە بولادى. ينتەرنەتتى پايدالانۋدىڭ قاراپايىم ەرەجەلەلەرىن ساقتاعان دۇرىس»، - دەدى قر ءىىم قىلمىستىق پوليتسيا دەپارتامەنتىنىڭ كيبەرقىلمىسقا قارسى كۇرەس ورتالىعى باستىعىنىڭ ورىنباسارى رۇستەم دۇيسەتاەۆ ۆەدومستۆودا وتكەن ءباسپاسوز ءماسليحاتىندا.

 

سوڭعى جاڭالىقتار