14 جەلتوقسان, 13:50 10021 0 جاڭالىقتار اسىل تۇمار

"كەت" دەسە، يت تە كەتەدى عوي" – قۇدىقتا كۇن كەشىپ جۇرگەن ايەلدىڭ سوڭعى ءۇمىتى

ۆيدەودان الىنعان كادر
ۆيدەودان الىنعان كادر

بەينەروليك YouTube حوستينگىندەگى "كۋلتۋرنىي 14 رەگيون" ارناسىندا جاريالانعان.

ۆيدەونىڭ اۆتورى ءۇي-كۇيسىز جۇرگەن ادامدارعا كومەكتەسۋ ءۇشىن ازىق-تۇلىك ساتىپ الىپ، جاقىن ماڭداعى كارىز قۇدىعىنا بارادى. ول جەردە اينۇر اتتى كەلىنشەك پەن ونىڭ دوستارى مەكەن ەتەدى. اڭگىمە بارىسىندا عارىپتەردىڭ نە سەبەپتى بۇل حالگە تۇسكەنىن سۇرايدى.

اينۇر بۇرىن اقتاۋ قالاسىندا تۇرىپ، اقسۋ قالاسىنا تۇرمىسقا شىعىپتى. ءبىراز ۋاقىت وتكەن سوڭ كۇيەۋى ونى ۇيدەن قۋىپ جىبەرگەن. سودان بەرى وسى قۇدىقتى مەكەندەپ كەلەدى.

«يتكە دە «كەت!» دەسە كەتەدى عوي. ءبىر ەمەس، بىرنەشە رەت كەشىردىم»، – دەپ جىلاپ جىبەردى اينۇر.

ول سوڭعى جىلدارى باسىنان قيىندىق كوپ وتكەرگەنىن، وسىلاي كۇنەلتۋگە ءماجبۇر ەكەنىن دە جەتكىزدى. ۆيدەو اۆتورلارى اينۇردىڭ اتا-اناسىنا تەلەفون سوعىپ، قىزىنىڭ قيىن جاعدايدا قالعانىن ايتادى. كەلىنشەك تەلەفون ارقىلى اناسىنان كومەك سۇراپ، جولىنا اقشا سۇراپ جالىندى.

اناسى قىزىنان تۇتقىندا وتىرماعانىن سۇراپ بايەك بولدى. اينۇر دالادا قالىپ، اقشانى ۇيگە جەتۋ ءۇشىن سۇراپ وتىرعانىن ايتىپ اقتالادى.

وقيعانىڭ نەمەن اياقتالاتىنى ءالى بەلگىسىز. بىراق بەينەروليك اۆتورلارى بايقۇس كەلىنشەكتىڭ تۋىستارى ونى الىپ كەتىپ، اينۇر بۇدان كەيىنگى ءومىرىن جىلى ۇيدە وتكىزەدى دەپ ۇمىتتەنەدى.

;feature=emb_logo

aikyn.kz

سوڭعى جاڭالىقتار