14 جەلتوقسان, 09:02 418 0 جاڭالىقتار اسىل تۇمار

بۇل وقيعانى تۇسiندiرە المايمىن – ءارداۆيچۋستىڭ جاۋابى

سۋرەت عالامتوردان الىندى
سۋرەت عالامتوردان الىندى

"داكار-2012" راللي-رەيدiنiڭ قولا جۇلدەگەرi ارتۋر ارداۆيچۋس انتيكوررۋپتسيا قىزمەتiنiڭ ونىڭ 800 ميلليون تەڭگە جىمقىردى دەگەن كۇدiككە iلiنگەنi تۋرالى پiكiر بiلدiردi, – دەپ حابارلايدى Tengrinews.kz.

"سىبايلاس جەمقورلىققا قارسى ورگاننىڭ بولجامى بويىنشا، مەنiڭ Astana Motorsports كومانداسىنىڭ ديرەكتورى مەن كاپيتانى بولا وتىرىپ، وقۋ-جاتتىعۋ جيىندارى مەن جارىستاردى وتكiزۋگە وتiنiمدەردi ارتتىرۋ ارقىلى iرi سومانى ۇرلاۋعا قاتىسىم بار. ايىپتاۋ كوزقاراسى – تەرگەۋ ورگانىنىڭ قىزمەتiندەگi اجىراماس اتريبۋت، بۇل ولاردىڭ جۇمىسىنىڭ ەرەكشەلiگiمەن تۇسiندiرiلەدi. وسىعان بايلانىستى تەرگەۋ وربيتاسىنا تۇسەتiن كەز كەلگەن ازامات ءوزiنiڭ كiناسiزدiگiن دالەلدەۋگە ءماجبۇر. باق-تا جاريالاۋ ادامداردى قوعام الدىندا اقتالۋعا ءماجبۇر ەتەتiن ادiستەردiڭ بiرi رەتiندە پايدالانىلادى. مەنiڭ ويىمشا، مەنiڭ دە جاعدايىم سولاي. الدە بiزدiڭ ەلiمiزدە، قوعامدا جانە قۇقىق قورعاۋ ورگاندارىندا كiناسiزدiك پرەزۋمپتسياسى باسقاشا تۇسiنiلەتiن شىعار. ايتپەسە بۇل وقيعانى تۇسiندiرە المايمىن", – دەدi ارتۋر ارداۆيچۋس.

سپورتشىنىڭ ايتۋىنشا، ودان جاۋاپ الىنباعان، تاعىلعان ايىپ كورسەتiلمەگەن.

"تەكسەرۋگە كiم جانە قاشان باستاماشى بولدى، بۇل جاعى ماعان بەلگiسiز. تەرگەۋ ورگانىنىڭ مەنiڭ ورنالاسقان جەرiم تۋرالى شىنايى مالiمەتتەرi بار. مەن ارقاشان تەرگەۋشiمەن بايلانىسامىن. جىلدىڭ باستى تۋرنيرi - اتى اڭىزعا اينالعان "داكار-2020" جارىسىنا دايىندالۋدىڭ مۇمكiن ەمەسi تۋرالى جازباشا تۇسiنiكتەمە بەرiلدi. مەن بiر ەۋروپالىق كوماندانىڭ باس شاباندوزى بولدىم، كەلiسiمشارتتا كورسەتiلگەن مiندەتتەمەلەرiم بار. بۇل كەلiسiمشارتقا ايىپتاۋدىڭ الدىندا ۇزاق ۋاقىت بۇرىن قول قويعانمىن. مەن تۋعان قازاقستانىمنىڭ نامىسىن قورعايمىن. وسى جارىسقا دايىندىق ءۇشiن بiردە-بiر تيىندى قازاقستاندىق بيۋدجەتتەن العانىم جوق جانە ودان ءۇمiتتi ەمەسپiن. ماعان تەك مەنiڭ كاسiبي قۇزىرەتiمە بايلانىستى كەلiسiمشارت ۇسىنىلدى", – دەدi ول.

ارتۋر ارداۆيچۋس كاسiبي قىزمەتiنە بايلانىستى شەكارا اسقانىن جانە مۇنداي جۇمىس ءتارتiبi بiرنەشە جىلعا سوزىلاتىنىن ايتتى.

"مەن كەز كەلگەن قوڭىراۋعا جاۋاپ بەرەمiن. ماعان كوپتەگەن وتانداسىم، سونىڭ iشiندە جۋرناليستەر قوڭىراۋ شالدى. مەن بارلىعى ءۇشiن اشىق جانە قولجەتiمدi اداممىن. مۇنداي جاعدايلاردا ادامعا قاتىستى iزدەۋ قالاي جاريالاناتىنىن تۇسiنە الماي وتىرمىن. بۇقارالىق اقپارات قۇرالدارى ارقىلى قىسىم – iس جۇرگiزۋ تالابى ەكەنiن جوققا شىعارمايمىن. قالاي بولسا دا، "داكاردى" اياقتاعاننان كەيiن مەن وتانىما كەلiپ، كiناسiزدiگiمە دالەلدەيمىن. مەملەكەتتiك ورگاندار زاڭدى شەشiم قابىلدايدى دەگەن سەنiمدەمiن", – دەپ قورىتىندىلادى سپورتشى.

مۇنىڭ الدىندا سىبايلاس جەمقورلىققا قارسى قىزمەت 2016-2017 جىلدارى قازاقستان اۆتوسپورتىن دامىتۋعا بولiنگەن قاراجاتتى جىمقىرۋ iسi بويىنشا تەرگەۋ جۇرگiزiپ جاتقانىن حابارلاعان. سىبايلاس جەمقورلىققا قارسى قىزمەتتiڭ ەكiنشi دەپارتامەنتiنiڭ باسشىسى سەرگەي پەروۆتىڭ ايتۋىنشا، ارداۆيچۋس بiرنەشە رەت جاۋاپ الۋعا شاقىرتىلعان، الايدا شەتەلدەن كەلۋدەن باس تارتقان.

"اتالعان ءمان-جايلاردى جانە ارداۆيچۋس مىرزانىڭ قىلمىستىق قۇقىق بۇزۋشىلىق جاساعانىن كورسەتەتiن جەتكiلiكتi نەگiزدەرiنiڭ بولۋىن ەسكەرە وتىرىپ، وعان قاتىستى سىرتتاي "كۇزەتپەن ۇستاۋ" بۇلتارتپاۋ شاراسى سانكتسيالاندى. حالىقارالىق iزدەۋ جاريالاۋ تۋرالى ماتەريالدار سوتقا جiبەرiلدi", – دەلiنگەن ەدi ۆەدومستۆو تاراتقان حابارلامادا.

سوڭعى جاڭالىقتار