13 جەلتوقسان, 19:07 465 0 جاڭالىقتار اسىل تۇمار

«جاڭا الماتى»: 2020-2022 جىلدارعا ارنالعان قالا بيۋدجەتى قانشا؟

سۋرەت عالامتوردان الىندى
سۋرەت عالامتوردان الىندى

الماتى اكiمدiگiندە وتكەن ءماسليحات وتىرىسىندا 2020-2022 جىلدارعا ارنالعان قالا بيۋدجەتi تالقىلاندى، – دەپ حابارلايدى قازاقپارات.

«الماتى بيۋدجەتi 738 ملرد تەڭگە كولەمiندە بەكiتiلدi. الداعى ەكi جىلدا قالا بيۋدجەتi الەۋمەتتiك سالالارعا باعدارلانعان بولىپ قالا بەرەدi. الەۋمەتتiك سالاعا شامامەن، 280 ملرد تەڭگە، ياعني 40% جۇمسالادى.

اتاپ ايتقاندا، بiلiم بەرۋ سالاسىنا – 172 ملرد تەڭگە، دەنساۋلىق ساقتاۋ سالاسىنا – 77 ملرد تەڭگە، حالىقتى الەۋمەتتiك قورعاۋعا – 26 ملرد تەڭگە، قالانىڭ ينجەنەرلiك ينفراقۇرىلىمىن دامىتۋعا – 39,9 ملرد تەڭگە، قوعامدىق كولiكتi دامىتۋ سالاسىنا – 121,5 ملرد تەڭگە، توتەنشە جاعدايلاردىڭ الدىن الۋ مەن قاۋiپسiزدiك سالاسىنا – 17,9 ملرد تەڭگە، تسيفرلاندىرۋعا – 1,7 ملرد تەڭگە، كاسiپكەرلiك پەن بيزنەستi دامىتۋعا – 13,2 ملرد تەڭگە، قالانىڭ 8 اۋدانىنىڭ دامۋىنا 1,4 ملرد تەڭگە جۇمسالادى»، – دەدi قالالىق ستراتەگيا جانە بيۋدجەت باسقارماسىنىڭ باسشىسى نۇرتاس قايىروۆ.

ءماسليحات دەپۋتاتتارى بيۋدجەت جوباسىن بiراۋىزدان قولدادى. «بيۋدجەت جوباسىن قاراۋ كەزiندە قالالىق ءماسليحات دەپۋتاتتارىنىڭ جانە پروفيلدi كوميسسيالاردىڭ تالقىلاۋى بولدى. بۇل جيىنداردا كوبiنەسە الەۋمەتتiك ماسەلەلەر كوتەرiلدi. قارجىنى وڭتايلاندىرۋ ناتيجەسiندە بارلىق داۋلى ماسەلە شەشiمiن تاپتى. اسiرەسە جول ينفراقۇرىلىمى، تۇرعىن ءۇي-كوممۋنالدىق شارۋاشىلىعى، قوعامدىق كولiك، قاۋiپسiزدiك، بiلiم بەرۋ، دەنساۋلىق ساقتاۋ سالالارىنا ءبولiندi. «جاڭا الماتى» كەشەندi جوسپارىن جۇزەگە اسىرۋ مiندەتتەرiن ەسكەردiك. «شەكاراسىز قالا» باعدارلاماسى اياسىندا تۇرعىنداردى اۋىزسۋمەن، كوگiلدiر وتىنمەن، كوشەنi جارىقتاندىرۋ، الەۋمەتتiك نىساندار قۇرىلىسى، اۋلالاردى اباتتاندىرۋ ماسەلەلەرiنە باسىمدىق بەرiلگەن. جالپى العاندا قالا بيۋدجەتi جوباسى بيىل دا الەۋمەتتiك سالالارعا ماڭىز بەرiپ وتىر»، – دەدi ءماسليحاتتىڭ ەكونوميكا جانە بيۋدجەت بويىنشا كوميسسياسىنىڭ توراعاسى سەرگەي كوزلوۆ.

سوڭعى جاڭالىقتار