13 جەلتوقسان, 16:04 3330 0 جاڭالىقتار اسىل تۇمار

ءتورت بالا ورتەنىپ كەتتى: اتا-اناسى ىشىمدىككە قۇمار بولعان (ۆيدەو)

سۋرەت دەرەككوزدەن الىندى
سۋرەت دەرەككوزدەن الىندى

رەسەيدىڭ التاي ايماعىندا ورتتەن التى ادام قايتىس بولدى – ولاردىڭ ىشىندە ون، جەتى جانە ەكى جاستاعى ءۇش بالا، سونىمەن قاتار ءبىر جاسقا تولماعان ءسابي دە بولعان، – دەپ حابارلايدى gazeta.ru.

ءتورت بالا مەن 32 جانە 35 جاستاعى ەكى ەرەسەك ادامنىڭ ءمايىتى جەكە تۇرعىن ۇيدەن تابىلدى. وبلىستىق تجم مالىمەتىنشە، ءورت پەش جاعۋدىڭ ەرەجەسىن ساقتاماۋ سالدارىنان بولعان. مارقۇمداردىڭ كورشىلەرى ەرلى-زايىپتىنىڭ ءجيى ىشەتىنىن ايتادى. تەرگەۋشىلەر التاي ايماعىنىڭ التى تۇرعىنىنىڭ ورتتەن قازا بولۋىنا قاتىستى ءىس قوزعادى.

وبلىستىق تجم حابارلاعانداي، ءورت 13 جەلتوقساندا تاڭەرتەڭ زاۆيالوۆكا اۋدانىنىڭ گلۋبوكوە اۋىلىنداعى جەكە ۇيدە بولعان. قايعىلى وقيعاعا ءبىرىنشى بولىپ ەرىكتى ءورت ءسوندىرۋ توبى كەلگەن.

ۆەدومستۆونىڭ حابارلاۋىنشا، ءورتتى سوندىرۋگە ءبىر جارىم ساعات ۋاقىت كەتتى. ءورتتى سوندىرۋگە بارلىعى 28 ادام مەن 12 تەحنيكا جۇمىلدىرىلدى.

ەستەرىڭىزدە بولسا، وسىعان ۇقساس قايعىلى وقيعا قازاقستاندا دا تىركەلىپ، تۇتاس ەلدى ءدۇر سىلكىندىرگەن ەدى. اقپان ايىنىڭ 4-نە قاراعان ءتۇنى ەلوردانىڭ كوكتال-1 شاعىناۋدانىندا جەكە ءۇيدىڭ اۋلاسىنداعى ۋاقىتشا باسپانا ورتەنىپ، كامەلەتكە تولماعان بەس قىز بالا شەتىنەپ كەتتى.

;feature=emb_logo

سوڭعى جاڭالىقتار