13 جەلتوقسان, 09:40 444 0 جاڭالىقتار اسىل تۇمار

بوران سوعىپ، كوكتايعاق بولادى

سۋرەت عالامتوردان الىندى
سۋرەت عالامتوردان الىندى

«قازگيدرومەتتىڭ» حابارلاۋىنشا، سولتۇستىك تسيكلون مەن ونىمەن بايلانىستى اتموسفەرالىق فرونتالدى بولىكتەردىڭ وتۋىنە بايلانىستى رەسپۋبليكانىڭ باسىم بولىگىندە اۋا رايى قۇبىلمالى بولادى.

كەيبىر ايماقتاردا جاۋىن-شاشىن بولادى. كەيبىر جەرلەردە قار كوپ جاۋادى. تەك قازاقستاننىڭ شىعىسى انتيتسيكلون جوتاسىنىڭ ىقپالىندا بولعاندىقتان، كۇن جاۋىن-شاشىنسىز بولادى. رەسپۋبليكامىزدىڭ كەي جەرلەرىندە تۇمان ءتۇسىپ، كوكتايعاق بولىپ، جەل كۇشەيەدى، بۇرقاسىن بولادى. اقمولا، قوستاناي، قاراعاندى، پاۆلودار وبلىستارىنىڭ كەي جەرلەرىندە بۇرقاسىن، تۇمان، كوكتايعاق بولىپ، جەل سەكۋندىنا 15-20 مەتر جىلدامدىقپەن سوعادى. سولتۇستىك قازاقستان وبلىسىنىڭ كەي جەرلەرىندە تۇمان ءتۇسىپ، جەلدىڭ جىلدامدىعى سەكۋندىنا 15-20 مەترگە جەتەدى، تۇندە بۇرقاسىن، كوكتايعاق بولادى. جامبىل، تۇركىستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جەل 15-20 م/س جىلدامدىقپەن ۇيتقيدى. تۇركىستان وبلىسىندا كۇندىز ەكپىنى 25 م/س جەل سوعادى.

سوڭعى جاڭالىقتار