13 جەلتوقسان, 08:57 688 0 جاڭالىقتار اسىل تۇمار

ديماش گرەممي السام دەيدى

سۋرەت عالامتوردان الىندى
سۋرەت عالامتوردان الىندى

ديماش قۇدايبەرگەن نيۋ-يوركتەگى كونتسەرتىنەن سوڭ، قازاقستانعا ورالدى.

«حابار 24» ارناسىنىڭ حابارلاۋىنشا، نيۋ-يوركتەگى كونتسەرتىنە الەم جۇرتشىلىعى تاڭداي قاقتى. «60 مەملەكەتتەن كەلگەن ءارتۇرلى ۇلتتىڭ وكىلدەرى ءبىزدىڭ ەلدىڭ تۋىن ۇستاپ، كوككە كوتەرىپ، ۇلكەن قۇرمەت كورسەتتى. سول ءبىزدى تەبىرەنتتى. «دايديداۋ»، «ەلىم مەنىڭ» سەكىلدى اندەردى قوسىلىپ شىرقادى. رۋحىمىزعا – رۋح، شابىتىمىزعا شابىت قوستى»، – دەيدى قانات ايتباەۆ.

ديماشتىڭ نيۋ-يوركتىگە كونتسەرتى ءبىر كەزدەرى بەيونسە، مادوننا، رياننا سىندى جۇلدىزدار ونەر كورسەتكەن ايگىلى «باركلايس-تسەنتر» سارايىندا ءوتتى.

قازاقستانعا ورالعان ديماش بالا كۇنگى ارمانى ورىندالعانىن ايتتى.

«بالا كۇنگى ارمانىم ورىندالدى. امەريكانىڭ ۇلكەن ستاديونىندا قازاق اندەرىن ايتىپ، كۇيىن كۇمبىرلەتۋدى كوپ ارماندادىم. وسى كۇنگە دەيىن جۇرەگىمدە اۋەلەپ كەلدى. ءالى دە كوپ جۇمىس ىستەۋ كەرەك، بولاشاقتا «گرەممي» السام دەپ ارماندايمىن»، دەدى ديماش قۇدايبەرگەن.

سوڭعى جاڭالىقتار