12 جەلتوقسان, 17:27 538 0 جاڭالىقتار اسىل تۇمار

شەنەۋىكتەردىڭ سۇيىكتى سىيلىعى قانداي؟

سىبايلاس جەمقورلىققا قارسى ءىس-قيمىل اگەنتتىگى مەملەكەتتىك قىزمەتكەرلەر اراسىندا ەڭ كوپ تارالعان سىيلىقتاردىڭ ءتىزىمىن ۇسىندى.

بۇل تىزىمگە ءتۇرلى كوسمەتيكالىق كومپانيالاردىڭ ونىمدەرى، تورت، تاتتىلەر، قىمبات الكوگول ىشىمدىكتەرى، ىشىنە تارتىلعان ەت سالىنعان ءزايتۇن، كورنيشون جانە تاعى باسقا قىمبات دۇنيەلەر كىرگەن. بيىل مۋزىكالىق قۇرالدار، اسىرەسە، دومبىرا سىيلاۋ «سۇرانىستا» بولىپتى. كوز تيۋدەن قورعايتىن بۇيىمدار، شارف، Adidas سپورتتىق كوستيۋمى، ەرلەرگە ارنالعان Tissot ساعاتى، ءتىپتى، ءۇي كيىمدەرى دە (پيجاما) تارتۋ ەتىلگەن. ال قاراپايىم حالىق مەملەكەتتىك قىزمەتكەرلەرگە دەگەن ىقىلاسىن كوبىنە-كوپ 2-3 مىڭ تەڭگە كولەمىندە نەمەسە ۇيالى تەلەفونىنا بىرلىك ەسەبىندە بىلدىرەدى ەكەن.

سىبايلاس جەمقورلىققا قارسى ءىس-قيمىل اگەنتتىگىنىڭ باس مامانى سىمبات يسراپۋلوۆانىڭ مالىمەتىنشە، بيىل اكىمشىلىك قۇقىقبۇزۋشىلىق بويىنشا 27 حاتتاما تولتىرىلىپ، 10 ميلليون 386 مىڭ 200 تەڭگە كولەمىندە ايىپپۇل سالىنعان. اگەنتتىك وكىلى ەگەر تۇرعىندار ءوز ەركىمەن سىيلىق بەرۋدى ماقۇل كورسە، ەكى تاراپقا دا (سىيلىق بەرۋشىگە دە، الۋشىعا دا) ەشقانداي شارا قولدانىلمايتىنىن ەسكەرتتى. دەسە دە، «مەملەكەتتىك قىزمەتكەرلەردى اتى-ءجونى جوق «ماراپاتتاي» بەرۋدىڭ سوڭى نەندەي نارسەگە اكەلەتىنىن ويلانعانىمىز ابزال، 2 مىڭ تەڭگە الىپ، اقىسىن 200 ەسە وتەۋگە تۋرا كەلەتىنىن دە ەستەن شىعارماعان ءجون»، - دەيدى سىمبات يسراپۋلوۆا.

سوڭعى جاڭالىقتار