12 جەلتوقسان, 08:47 416 0 تەحنولوگيالار Túrkistan Gazeti

تسيفرلى دامۋ ماسەلەسى تالقىلاندى

قازاقستاننىڭ پرەمەر-ءمينيسترى اسقار مامين اقش-تىڭ سان-فرانتسيسكو قالاسىندا تسيفرلىق دامۋ، ۆەنچۋرلىق قارجىلاندىرۋ جانە ەنەرگەتيكا سالاسىنداعى جەتەكشى الەمدىك كومپانيالاردىڭ باسشىلارىمەن كەزدەستى.

دۇنيەجۇزىلىك ەكونوميكالىق فو­رۋمنىڭ «ءتورتىنشى ونەركاسىپتىك رەۆوليۋتسيا ورتالىعىنىڭ» باسشىلىعىمەن وتكەن كەزدەسۋدە يننوۆاتسيالىق تەح­نولو­گيالاردى رەتتەۋ سالاسىنداعى ىن­تىماقتاستىقتىڭ پەرسپەكتيۆالى با­عىت­تارى ءسوز بولدى. ناتيجەسىندە، «استانا» حالىقارالىق قارجى ورتالىعى مەن «ءتورتىنشى ونەركاسىپتىك رەۆوليۋتسيا ور­تا­لىعى» اراسىندا ستراتەگيالىق ءارىپ­تەس­تىك قۇجاتقا قول قويىلدى.

ال 500 Startups ۆەنچۋرلىق قورىنىڭ باس­شىسى ك.تسايمەن وتكەن كەزدەسۋ قورى­تىندىسى بويىنشا QazTechVentures اق قازاقستاندىق ۇلتتىق دامۋ ينستيتۋتىن 500 Startups V جاھاندىق قورىنا قوسۋ تۋرالى كەلىسىم ماقۇلداندى. بۇل قۇجات ەلىمىزدە تاقىرىپتىق ۆەنچۋرلىق قور قۇرۋعا مۇمكىندىك بەرمەك.

سونىمەن قاتار پرەمەر-مينيستر Tesla كومپانياسىنىڭ كەڭسەسى مەن زاۋىتىن ارالادى، وندا كومپانيا باسشى­لى­عىمەن كەزدەسۋ اياسىندا قازاقستاندا جانار-جاعارماي قۇيۋ ستانسالارى جەلى­سىن كەڭەيتۋ جانە ەلەكتروموبيلدەر ءۇشىن سەرۆيس ورتالىقتارىن اشۋ ماسە­لە­لەرى قارالدى.

 

سوڭعى جاڭالىقتار