12 جەلتوقسان, 09:25 422 0 ءبىلىم اسەل انۋاربەك

وقۋ ورىندارىنا قويىلار تالاپ كۇشەيمەك

نۇر-سۇلتان قالاسىندا ۇكىمەت باسشىسىنىڭ ورىنباسارى بەردىبەك ساپارباەۆتىڭ توراعالىعىمەن ەلىمىزدەگى جوعارى وقۋ ورىندارىن وڭتايلاندىرۋ جونىندەگى كوميسسيانىڭ وتىرىسى ءوتتى.

جيىندا ۆيتسە-پرەمەر بەردىبەك ساپارباەۆ جوعارى وقۋ ورنىن بىتىرگەن ءاربىر ءتور­تىن­شى تۇلەكتىڭ جۇمىسسىز ەكەنىن تىلگە تيەك ەتتى. «مەملەكەت باسشىسى قاسىم-جومارت توقاەۆ ۇكىمەتكە «ديپلومداردى باسىپ شى­عارىپ بەرەتىن كەڭسەلەرگە» اينالعان جوعارى وقۋ ورىندارىنا قاتىستى قاتاڭ شارالار قابىلداۋدى تاپسىردى. بۇگىندە ەلىمىزدە 132 جوو جۇمىس ىستەيدى، ونىڭ 43 پايىزى – جەكەمەنشىك. ولاردا 600 مىڭنان اسا ستۋدەنت وقيدى، ونىڭ ىشىندە 191 مىڭى مەملەكەتتىك تاپسىرىس اياسىندا ءبىلىم الادى. وكىنىشكە قاراي، ءبىلىم بەرۋ ساپاسى تۋرالى ءبىز ەڭبەككە ورنالاسۋ دەڭگەيى بويىنشا عانا تۇجىرىم جاساي الامىز، ءاربىر ءتورتىنشى تۇلەك – جۇمىسسىز»، – دەدى بەردىبەك ماشبەكۇلى.

ءبىلىم جانە عىلىم ءمينيسترى اسحات ايما­عام­بەتوۆ بيىل 34 جوو-دا تەكسەرۋ جۇرگىزىل­گەنىن، ونىڭ ىشىندە 22-ءسى جوسپاردان تىس تەك­سەرۋ بولعانىن اتاپ ايتتى.  تەكسەرۋ ءناتي­جەسىندە بەس جوعارى وقۋ ورنىنىڭ ليتسەنزياسى توقتاتىلىپ، اكىمشىلىك ايىپپۇلدار سالىندى، تاعى بەس جوو بويىنشا شەشىمدەر قابىلدانۋدا.

وتىرىس بارىسىندا تەكسەرۋ كەزىندە ول­قى­لىقتار انىقتالعان «قاينار» اكادە­ميا­سىنىڭ، قازاق ەڭبەك جانە الەۋمەتتىك قاتى­ناستار اكادەمياسىنىڭ، كاسپي قوعامدىق ۋنيۆەرسيتەتىنىڭ، «الماتى» ۋنيۆەرسيتەتىنىڭ، ورتالىق ازيا ۋنيۆەرسيتەتىنىڭ، الماتى ەكونوميكا جانە ستاتيستيكا اكادەمياسى­نىڭ، قازاق جول قاتىناستارى ۋنيۆەرسيتەتى­نىڭ رەكتورلارىنىڭ باياندامالارى تىڭ­دال­دى. ايتا كەتەيىك، مينيسترلىك قازىر جوو-لاردىڭ باسشىلىعىمەن بىرلەسىپ وقۋ ورىندارىن بىرىكتىرۋ نەمەسە ولاردى كوللەدج رەتىندە قايتا قۇرۋ ماسەلەلەرىن پىسىقتاۋدا.

كەڭەستى قورىتىندىلاعان ۆيتسە-پرەمەر: «جوعارى ءبىلىم بەرۋ ساپاسىن ارتتىرۋ – ءبىز­دىڭ ەلىمىزدىڭ باسەكەگە قابىلەتتىلىگىن قام­تاماسىز ەتۋدەگى نەگىزگى ماسەلە. سوندىقتان ءبىز وعان بارىنشا بايىپپەن قاراۋىمىز كەرەك. بىزگە قۇزىرەتى تومەن، سۇرانىسقا يە ەمەس ما­مانداردى دايارلايتىن ۋنيۆەرسيتەتتەر نە ءۇشىن قاجەت، جۇمىسسىزدار قاتارىن كەزەكتى رەت كوبەيتۋ ءۇشىن بە؟ ولارعا قاتىستى ليتسەنزيالارىن قايتارىپ الۋعا دەيىن وتە قاتاڭ شارالار قولدانىلاتىن بولادى»، – دەدى.

 

 

سوڭعى جاڭالىقتار