11 جەلتوقسان 2019, 16:55 846 0 رۋحانيات انار لەپەسوۆا

ايتىسكەرلەر جەمقورلىقتى جىرلادى

اقمولا وبلىسىندا «مەنىڭ داۋىسىم – بۇحارانىڭ ءوز ءۇنى» اتتى رەسپۋبليكالىق جاس اقىندار ايتىسى ءوتتى.

«رۋحاني جاڭعىرۋ» باعدارلاماسى اياسىندا ۇيىمداستىرىلعان ايتىس قر تاۋەلسىزدىك كۇنىنە جانە اقىن، ايتىسكەر، قر ايتىسكەرلەر فەدەراتسياسىنىڭ تۇڭعىش پرەزيدەنتى كوكەن شاكەەۆتىڭ 95-جىلدىعىنا ارنالدى. وعان ارداكەرەي قاپ (نۇر-سۇلتان قالاسى), اياۋلىم جۇمابەك (الماتى قالاسى), نارتاي تىلەۋقۇل (اقتوبە قالاسى), جۇمابەك راحىم، جارقىن جۇپارحان (پەتروپاۆل قالاسى), ەرلان داۋلەت، قۇرمەت قۇرالحان (اقمولا وبلىسى), توبا وتەپباي (قوستاناي قالاسى), نۇريسلام ءابدىل، دۋمان سامات (كوكشەتاۋ قالاسى) سياقتى جاس اقىن-يمپروۆيزاتورلار قاتىستى.

اقىندار تاۋەلسىز قازاقستاننىڭ جەتىستىكتەرىن، ادامنىڭ پاراساتتىلىق، ادىلدىك، ادامگەرشىلىك قاسيەتتەرىن، سونداي-اق حالىق اقىنى كوكەن شاكەەۆتىڭ شىعارماشىلىعىن جىرلادى. جەڭىمپازداردى اقمولا وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتى باسشىسىنىڭ ءبىرىنشى ورىنباسارى، اقىن ارمان بەردالين، اقىن جانە كومپوزيتور يران تاسقارا، اقىن، قازاقستان جازۋشىلار وداعىنىڭ مۇشەسى جانە كوكەن شاكەەۆتىڭ وقۋشىسى قۇدايبەرلى مىرزابەك، اقمولا وبلىستىق وقۋ-ادىستەمەلىك ورتالىعىنىڭ ديرەكتورى، اقىن جانە جازۋشى قاراتاي تولەكەەۆ سياقتى قازىلار القاسى انىقتادى. كەشتى تانىمال اقىن مۇحاممەد قونقاەۆ جۇرگىزىپ وتىردى.

ايتىستىڭ باس جۇلدەسى ەرلان داۋلەتكە بەرىلسە، ءبىرىنشى جانە ەكىنشى ورىنداردى نارتاي تىلەۋقۇل مەن اياۋلىم جۇمابەك ءوزارا ءبولىستى. ال ءۇشىنشى ورىنعا دۋمان سامات لايىق دەپ تانىلدى. سونىمەن قاتار، جۇمابەك راحىم، قۇرمەت قۇرالحان، ارداقەرەي قاپ، توبا وتەپباي، نۇريسلام ءابدىل جانە جارقىن جۇپارحان كوكشەتاۋ قالاسى اكىمىنىڭ العىس حاتىمەن جانە باعالى سىيلىقتارمەن ماراپاتتالدى.

 

 

 

 

سوڭعى جاڭالىقتار