11 جەلتوقسان, 16:11 502 0 زاڭ انار لەپەسوۆا

كىر جۋعىش ماشيناعا تىعىلعان قىتايلىق شەكارادان زاڭسىز وتپەك بولدى

 كىر جۋعىش ماشيناعا، ساندىققا تىعىلىپ، اقش-قا زاڭسىز كىرمەكشى بولعان قىتايلىقتار ۇستالدى. 

اقش شەكارا قىزمەتىنىڭ قىزمەتكەرلەرى مەملەكەت تەرريتورياسىنا كىرىپ كەتۋ ءۇشىن ءارتۇرلى جيھازدارعا تىعىلعان قىتاي ەلىنىڭ 11 ازاماتىن ۇستادى. بۇل تۋرالى ۆەدومستۆونىڭ Twitter-دەگى پاراقشاسىندا حابارلاندى.

امەريكالىق شەكاراشىلار كاليفورنيا شتاتى سان-ديەگو قالاسىنا مەكسيكا جاقتان كەلە جاتقان فۋرانى توقتاتقان.

"اۆتوكولىكتىڭ ىشىندە ءارتۇرلى جيھازعا جاسىرىنعان 11 قىتايلىق ميگرانت تابىلدى. ميگرانتتار ساندىققا، كومودقا، ءتىپتى كىرجۋعىش ماشيناعا جاسىرىنعان كورىنەدى", - دەلىنگەن حابارلامادا.

قىتايلىقتاردىڭ ەشقايسىسى ايتارلىقتاي زارداپ شەكپەگەن.

فۋرانىڭ جۇرگىزۋشىسى 42 جاستاعى اقش ازاماتى تۇتقىندالدى.

سوڭعى جاڭالىقتار