11 جەلتوقسان, 15:44 480 0 مادەنيەت انار لەپەسوۆا

م.اۋەزوۆ تەاترى "قار قىزىن" ساحنالايدى

مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ رەپەرتۋارى جاڭا قويىلىممەن تولىقپاق. 12-13 جەلتوقسان كۇندەرى كورنەكتى جازۋشى-دراماتۋرگ ورالحان بوكەيدىڭ "قار قىزى" پوۆەسىنىڭ جەلىسى بويىنشا قويىلعان، رەجيسسەر جۇلدىزبەك جۇمانبايدىڭ  "قار قىزى" سپەكتاكلىنىڭ پرەمەراسى بولادى.

پرەمەرا قارساڭىندا قازاقستان جازۋشىلار وداعى، الماتى قالالىق اكىمشىلىك جانە تەاتردىڭ ۇيىمداستىرۋىمەن  ورالحان بوكەيگە ارنالعان گاللەرەيا جانە تەاتردىڭ  "مۋزەي" ءبولىمىنىڭ ۇيىمداستىرۋىمەن "قار قىزى" سپەكتاكلىندە وينايتىن ارتيستەردىڭ گاللەرەياسى كورەرمەنگە ۇسىنىلادى.

سپەكتاكل كورنەكتى جازۋشى-دراماتۋرگ و.بوكەيدىڭ "قار قىزى" پوۆەسىنىڭ جەلىسى بويىنشا قويىلدى. قىس ورتاسىندا مال ازىعى تاۋسىلىپ، تراكتورمەن الىستان ءشوپ اكەلۋگە شىققان ءۇش جاس جىگىت اق قار، كوك مۇزدى تاۋ اراسىندا جولدان اداسادى. اينالا اپپاق الەم، ۇسكىرىك اياز. ءۇسىپ ءولۋ قاۋپى تۋعان كەيىپكەرلەر ءۇشىن ءومىر مەن ءولىمنىڭ ارپالىسى باستالىپ، ولاردىڭ شىنايى بولمىستارى دا اشىلا تۇسەدى.وسى ءبىر قيىن ساپاردىڭ باسىنداولار قوڭقايعا، ال، سوڭىندا "...قوڭقاي ءزالىم جەڭبەسىن دەپ ايىرتاۋدا وتىرعان.." سيىرشى شالعا جولىعۋى بەكەر ەمەس. الەمدە جاماندىق جايلاپ كەتپەۋى ءۇشىن وعان جاقسىلىق قارسى تۇرادى. ءومىردىڭ ۇلى تەپە-تەڭدىك زاڭدارىنىڭ ءبىرى وسى بولسا كەرەك...

 

 

سوڭعى جاڭالىقتار