10 جەلتوقسان, 16:18 368 0 قاۋىپسىزدىك انار لەپەسوۆا

براكونەرلەر ايعاقتى جويۋ ءۇشىن قىمبات كولىكتەرىن ورتەپ جىبەردى

كيىك اتىپ ولجالى بولامىن دەگەن براكونەرلەر قىمبات كولىكتەرىنەن ايىرىلدى. اقتوبە وبلىسىندا زاڭسىز اڭ اۋلاعاندار ايعاق زاتتان قۇتىلۋ ءۇشىن جول تالعامايتىن «Toyota Land Cruiser 100» ماركالى كولىكتەرىن ورتەپ جىبەرگەن، دەپ حابارلايدى "استانا" ارناسى. 

«وحوتزووپروم» مەكەمەسىنىڭ قىزمەتكەرلەرى اقتوبە وبلىسى شالقار اۋدانى ءۇستىرت ماڭىندا رەيد جۇرگىزۋ كەزىندە كۇماندى كولىكتى بايقاپ قالعان. ينسپەكتورلار ىزىنە تۇسكەندە ولار قاشا جونەلگەن. جاقىنداپ قالعاندا قىمبات دجيپكە وت قويىپ، تۇگىن قالدىرماي ورتەپ جىبەرگەن. بىراق كەيىن وزدەرىنىڭ كيىك اۋلاعاندارىن مويىنداپتى. ساراپتاۋ كەزىندە ءۇش كيىكتىڭ ولەكسەسى مەن ون التى ءمۇيىز، ەكى اڭشى مىلتىعى تابىلعان. قازىر قىزىلوردا وبلىسى ارال اۋدانى قوسامان اۋىلىنىڭ 45 جانە 46 جاستاعى ەكى  تۇرعىنى ۇستىنەن قىلمىستىق ءىس قوزعالىپ، ەكى ايعا قاماۋعا الىندى.

" جاقىنداعان كەزدە كولىكتىڭ ىشىندە وتىرعان ءبىر جولاۋشىسى اق كانيستردى الىپ، ىشىنە سۇيىقتىق شاشىپ وتىرعان. «توقتا، توقتا» دەپ داۋىس بەردىك تەرەزەنى اشىپ ايقايلادىق. ءبىر كەزدە وت-جالىندى كوردىك. سول كەزدە ەكەۋى ەكى جاعىنان سەكىرىپ ءتۇستى. ىشىندە زاڭسىز اۋلاعان كيىك بارىن ايتتى. قارۋ بارىن ايتتى", - دەيدى جانۋارلار دۇنيەسىن قورعاۋ ينسپەكتورى مۇراتبەك ءجاشىباي.

 

سوڭعى جاڭالىقتار