10 جەلتوقسان, 15:51 400 0 جاھان انار لەپەسوۆا

يۋري لۋجكوۆ دۇنيەدەن ءوتتى

ماسكەۋ قالاسىنىڭ ەكس-مەرى يۋري لۋجكوۆ  84 جاسقا قاراعان شاعىندا قايتىس بولدى. بۇل تۋرالى رەن تۆ حابارلادى. 

تەلەارنانىڭ مالىمەتى بويىنشا، ماسكەۋدىڭ ەكس-مەرى گەرمانيانىڭ ميۋنحەن قالاسىنداعى ەمحانالاردىڭ بىرىندە ەم الىپ جاتقان جەرىندە دۇنيەدەن وتكەن. جاقىندا لۋجكوۆتىڭ جۇرەگىنە وتا جاسالعان.

ايتا كەتەيىك، يۋري لۋجكوۆ 1992-2010 جىلدار ارالىعىندا ماسكەۋ قالاسىن باسقاردى.

2016 جىلدىڭ قىركۇيەك ايىندا رەسەي فەدەراتسياسىنىڭ پرەزيدەنتى ۆلاديمير ءپۋتيننىڭ جارلىعىمەن "وتانعا سىڭىرگەن ەڭبەگى ءۇشىن" IV دارەجەلى وردەنمەن ماراپاتتالدى.

يۋري لۋجكوۆ 1936 جىلى 21 قىركۇيەكتە ماسكەۋ قالاسىندا دۇنيەگە كەلگەن. 1958 جىلى ماسكەۋدەگى وقۋ ورنىن بىتىرگەن. العاش رەت 1992 جىلى 6 قازاندا ماسكەۋ قالاسىنىڭ مەرى بولىپ تاعايىندالدى. ودان كەيىن 1996, 1999, 2003 جىلدارى قايتا سايلاندى. 1996-2001 جىلدار ارالىعىندا ماسكەۋ ۇكىمەتىنىڭ توراعاسى قىزمەتىن قوسا اتقاردى.

ەلباسى نۇرسۇلتان نازارباەۆ پەن يۋري لۋجكوۆ وتە جاقىن دوس بولدى. 2016 جىلى نۇرسۇلتان نازارباەۆ ماسكەۋدىڭ ەكس-مەرىن قابىلداپ، 80 جىلدىعىمەن ارنايى قۇتتىقتاعان بولاتىن.

تەگتەر يۋري لۋجكوۆ

سوڭعى جاڭالىقتار