10 جەلتوقسان 2019, 15:42 970 0 ءبىلىم انار لەپەسوۆا

توپ-10: ەلىمىزدىڭ ۇزدىك ۋنيۆەرسيتەتتەرى انىقتالدى

بيىل ءبىلىم بەرۋ باعدارلامالارى رەيتينگىندە كوش باستاعان ۇزدىك 10 ۋنيۆەرسيتەت انىقتالدى. 

«اتامەكەن» ۇلتتىق كاسىپكەرلەر پالاتاسى ەكى جىل قاتارىنان قر ءبىلىم جانە عىلىم مينيسترلىگى مەن «ەڭبەك رەسۋرستارىن دامىتۋ ورتالىعى» اق-مەن بىرلەسەپ، وتاندىق جوعارى وقۋ ورىندارىنىڭ ءبىلىم بەرۋ باعدارلامالارىنا تاۋەلسىز باعالاۋ جۇرگىزىپ كەلەدى. بۇگىن ەلوردادا سول رەيتينگىنىڭ ناتيجەسى جاريالاندى.

ۇزدىك وندىقتىق قاتارىنا كيمەپ ۋنيۆەرسيتەت، كازگيۋ ۋنيۆەرسيتەتى، حالىقارالىق اقپاراتتىق تەحنولوگيالار ۋنيۆەرسيتەتى، سۇلەيمان دەميرەل ۋنيۆەرسيتەتى، قوستاناي مەملەكەتتىك پەداگوگيكالىق ۋنيۆەرسيتەتى، قازاقستان-بريتان تەحنيكالىق ۋنيۆەرسيتەتى، م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى، حالىقارالىق ءبىلىم بەرۋ كورپوراتسياسى، الماتى ەنەرگەتيكا جانە بايلانىس ۋنيۆەرسيتەتى، ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى ەندى.

«بۇل جوعارى وقۋ ورىندارى قاتىسقان رەيتينگتەردە جاقسى ورىنداردان كورىندى. 2019 جىلدىڭ رەيتينگىندە ولاردىڭ كوشباسشىلىق ۇلەسى ايتارلىقتاي جوعارى بولدى. بۇل وقۋ ورىندارىندا جىل سايىن تۇلەكتەردى دايارلاۋ جاقسى دەڭگەيدە»، - دەدى ولجاس ورداباەۆ.

 

سوڭعى جاڭالىقتار