10 جەلتوقسان, 15:12 344 0 ايماق انار لەپەسوۆا

الماتىلىقتاردىڭ تىلەگى بويىنشا قوعامدىق كولىك باعىتتارى وزگەرىپ وتىرادى

تۇركسىب اۋدانى تۇرعىندارىمەن كەزدەسۋدە باقىتجان ساعىنتاەۆ قوعامدىق كولىك ماسەلەسىنىڭ قالاي شەشىلىپ جاتقانىنا توقتالدى. 

اكىمنىڭ ايتۋىنشا، اۋداندا 38 باعىت بويىنشا 564 اۆتوبۋس قاتىنايدى.  بۇگىندە ولاردىڭ 80%-ى اۋىستىرىلدى،  سونىڭ ىشىندە بيىل №18, 32, 41, 92 باعىتتار جاڭا جىلجىمالى قۇراممەن جاڭارتىلدى. بۇل تۋرالى "الماتى" ارناسى حابارلادى.

بۇدان بولەك، وتكەن كەزدەسۋدە تۇرعىندار قوعامدىق كولىكتەردىڭ باعىتىن وزگەرتۋدى وتىنگەن بولاتىن. سول بويىنشا №13 (24 ەمحاناعا دەيىن ۇزارتىلدى), №51 (زاحاروۆ كوشەسى ارقىلى قاتىنايتىن بولدى) جانە №41 (№44 مەكتەپكە باراتىن بولدى) باعىتتار وزگەرتىلدى. №36, 41, 74, 86 باعىتتارىنىڭ قاتىناۋ ارالىعى قىسقاردى.

اۋدان تۇرعىندارى سۇراعىنا جاۋاپ بەرە كەلە، قالا باسشىسى «بۇگىندە باعىتتار «ادامدار قايدا كوپ بارادى» دەگەن پرينتسيپكە بەيىمدەلدى، ال سىزدەردىڭ تىلەكتەرىڭىز بويىنشا قالا بويىنشا باعىتتاردى قايتا قاراستىرامىز», – دەدى.

الماتى اكىمىنىڭ تۇركسىب اۋدانى تۇرعىندارىمەن بولعان كەزدەسۋى جايلى تولىق ءمان-جايدى بۇگىن "الماتى" تەلەارناسىنان ساعات 13:00, 15:00, 19:00 جانە 19:30-دا بولاتىن جاڭالىقتاردان بىلە الاسىزدار.

سوڭعى جاڭالىقتار