10 جەلتوقسان 2019, 12:23 707 0 جاڭالىقتار اسىل تۇمار

ءبىر مەزەتتە 20 شاقتى كولىك سوقتىعىستى

جامبىل وبلىسىندا ءبىر مەزەتتە 20-عا جۋىق كولىك جول اپاتىنا ۇشىرادى.

«استانا» تەلەارناسىنىڭ حابارلاۋىنشا، جول-كولىك وقيعاسى اقشولاق اۋىلى ماڭىنداعى «باتىس ەۋروپا – باتىس قىتاي» كۇرە جولىنىڭ 472-شاقىرىمىندا بولدى. الدىن الا دەرەك بويىنشا، جولاۋشىلار امان-ەسەن. ەكى ادام جاراقات الىپ، اۋرۋحاناعا جەتكىزىلگەن. اپاتقا ۇشىراعاندار اراسىندا قوردايدان تارازعا ناۋقاستى الىپ كەلە جاتقان جەدەل جاردەم كولىگى دە بار. جول-كولىك وقيعاسى قالىڭ تۇمان مەن جاڭبىردان كەيىنگى كوكتايعاق كەسىرىنەن بولعان.

تايعاناپ توقتاي الماعان كولىكتەر بىرىنە-ءبىرى بارىپ سوعىلعان. جامبىل وبلىستىق پوليتسيا دەپارتامەنتى پوليتسيا قىزمەتى باسقارماسى باسشىسىنىڭ ورىنباسارى سامات قۇسايىنوۆ: «كىنالى كىم؟ بىرىنشىدەن، ءار جۇرگىزۋشىنىڭ ءوزى كىنالى دەپ ەسەپتەيمىز. ويتكەنى بىرىنشىدەن تۇمان، ەكىنشىدەن، جولدىڭ ءۇستى مۇز بولعان. جۇرگىزۋشىلەر سونى ەسكەرمەگەن. ونىڭ ىشىندە ەكى جۇك كولىگى بولىپ وتىر. جەدەل جاردەم كولىگى ناۋقاستى الىپ كەلە جاتقان. اۋرۋحاناعا جەتكىزىلدى»، – دەدى.

 

سوڭعى جاڭالىقتار