9 جەلتوقسان, 20:10 3818 0 الەۋمەت انار لەپەسوۆا

تۇرمىسى تومەن وتباسىلارعا ارزان نەسيە بەرىلە باستادى

الماتىدا كوپبالالى جانە جاعدايى تومەن وتباسىلارعا، سونداي-اق، جەكە كاسىپكەرلەرگە ارزان پايىزبەن نەسيە بەرىلە باستادى.

قالا بيلىگى بيىل قوس قارجى ۇيىمىن اشىپ، وعان 3 ميلليارد تەڭگەگە جۋىق قاراجات بولگەن. ناتيجەسىندە، كاسىپ اشامىن دەگەندەر ءتيىمدى شارتتارمەن ارمانىنا جەتۋگە ءبىر تابان جاقىنداي ءتۇستى، دەپ حابارلايدى "الماتى" ارناسى.

قىركۇيەك ايىندا عانا قۇرىلعان قوس قارجى مەكەمەسى قازىر 5 جوبانى ماقۇلداپتى. ەندى جىل سوڭىنا دەيىن الىپ شاھاردا ءۇش تىگىن تسەحى، نان ونىمدەرىن پىسىرەتىن شاعىن ناۋبايحانا جانە كوفە قۋىراتىن شاعىن نىسان اشىلادى.

«الماتى بيزنەس 2025» ايماقتىق باعدارلاماسى – قالا ءۇشىن جان-جاقتى قامتىلعان ماڭىزدى قۇجات. باسىم باعىتتارىنىڭ ءبىرى – حالىقتى كاسىپكەرلىككە باۋلۋ، قالاعا قالتاسى قالىڭ ينۆەستور تارتۋ، قارجىلىق قولداۋ كورسەتۋ جانە بيزنەس قۇرۋ ءۇشىن ءتيىمدى جاعداي جاساۋ. سونداي-اق، ونىڭ اياسىندا 6 جاڭا مەكەمە قۇرىلدى. «الماتى» الەۋمەتتىك-كاسىپكەرلىك كورپوراتسياسىنا قارايتىن الماتى فينانس جانە Almaty ميكروقارجى ۇيىمى بولاتىن. ولار قازىر كاسىپكەرلەردەن وتىنىشتەر قابىلداپ جاتىر. ماقساتتارى ءبىر قوس كومپانيا بيزنەس باستايمىن دەگەندەردى دەمەپ جىبەرۋمەن اينالىسادى.

«وسى ەكى مەكەمە شاعىن جانە ورتا بيزنەسكە نەسيە بەرەدى.  ياعني، الماتى ميكرو قارجى ۇيىمى 20 ملن تەڭگەگە دەيىن جانە 2 پايىزبەن كوپبالالى جانۇيالارعا بەرەدى. ال الماتى فينانس مەكەمەسى 20 ميلليوننان 300 ميلليونعا دەيىن ورتا جانە كىشى بيزنەستى دامىتۋ ءۇشىن نەسيە بەرەدى. 7 جىلعا دەيىن 2 پايىزبەن ەگەر الاتىن بولسا بىزدە مىنا جاڭادان قوسىلعان اۋداندار بار عوي. الاتاۋ اۋدانى، ناۋرىزباي اۋدانى» - دەدى اlmaty Finance قارجى مەكەمەسى باسقارما توراعاسىنىڭ ورىنباسارى زاڭعار سالىمباەۆ.

ايتا كەتەيىك، كاسىپتى الماتىعا جاڭادان قوسىلعان الاتاۋ مەن ناۋرىزباي اۋداندارىندا باستايمىن دەگەندەر نەسيەنى بار بولعانى 2 پايىزبەن الادى. نەسيە كامەلەتتىك جاسقا تولعانداردان باستاپ، زەينەت جاسىنا دەيىنگىلەرگە بەرىلەدى. سونداي-اق، كاسىبى بار دەگەنمەن ونى كەڭەيتەم دەۋشىلەر ءۇشىن دە مۇمكىندىك قاراستىرىلعان. قالا اكىمدىگى باستاعان باعدارلامانىڭ ءتيىمدى تۇسى سول، كاسىپكەرگە قاراجات ءوزى تاڭداعان ەكىنشى دەڭگەيلى بانكتەگى ەسەپشوتىنا اۋدارىلادى. نەسيەنى قاراستىرۋ كەزىندە ءبىر تيىندا كوميسسيا الىنبايدى. ياعني ماقۇلدانعان سوما ناقتى قولعا تۇسەدى.

«بىزدە تەك قانا نەسيە ەمەس، ليزينگ دەگەن قارجى قۇرالى دا بار. قارجىلىق ليزينگ. ياعني، بۇل ءوزىڭىزدىڭ 20 پايىز باستاپقى مولشەرىندەگى قارجىڭىز بار بولسا، سول 20 پايىزدى قۇيا وتىرىپ، قالعان 80 پايىزدى ءبىزدىڭ كومپانيادان الۋعا بولادى دەگەن ءسوز»، - دەدى اlmaty Finance قارجى مەكەمەسى باسقارما توراعاسىنىڭ ورىنباسارى زاڭعار سالىمباەۆ.

كوپبالالى جانە جاعدايى تومەن وتباسىلار بيزنەس باستاسا، الايدا قولىندا جوسپارى جوق بولسا دا، كومەك قولىن سوزامىز دەيدى قارجى ۇيىمدارى. باستىسى، العا اسقاق ماقسات قويىپ، ءوز-وزىنە سەنۋى كەرەك. وعان قوسا، الماتىدا اشىلعان قولداۋ ورتالىعىنداعى ماماندار باعىت-باعدار بەرۋگە قاشاندا دايىن. ال ءوز كەزەگىندە ماماندار ولارعا 21 كۇندىك نەمەسە 3 ايلىق «بيزنەس باستاۋ» كۋرسىن تامامداۋعا كەڭەس بەرەدى. سەرتيفتكات العان سوڭ، بايزاقوۆ 303 مەكەنجايىنا كەلۋگە بولادى.

سوڭعى جاڭالىقتار