9 جەلتوقسان, 16:25 339 0 سپورت انار لەپەسوۆا

اقش بىرىنشىلىگى: بالاندين كۇمىس مەدالعا قول جەتكىزدى

 اتلانتادا ءوتىپ جاتقان اقش-تىڭ اشىق بىرىنشىلىگىندە قازاقستاندىق ءجۇزۋشى دميتري بالاندين كۇمىس مەدەلعا قول جەتكىزدى. 

جارىستىڭ العاشقى كۇنى براسس ادىسىمەن 100 مەترگە جۇزۋدە جەرلەسىمىزدىڭ التىن العانى جايىندا بۇعان دەيىن دە قۋانا حابارلاعانبىز. كەلەسى تاۋلىكتە دە بالاندين ءوز جانكۇيەرلەرىن قۋانتتى. ءدال سول تاسىلمەن 200 مەترلىك قاشىقتىققا مالتىعان ەكىنشى ورىننان كورىندى. ءدميتريدىڭ كورسەتكىشى – 2:09.71.

بۇل سايىستا وتانداسىمىز تەك اقش-تىڭ اتاقتى سپورتشىسى، وليمپيادا ويىندارىنىڭ جەڭىمپازى جانە قولا جۇلدەگەرى، الەمنىڭ ەكى دۇركىن چەمپيونى كودي ميللەرگە عانا ەسە جىبەردى. ال ءۇشىنشى ورىندى تاعى ءبىر امەريكالىق ءجۇزۋشى ەندريۋ ۋيلسون يەلەندى.

ءبىر ايتا كەتەرلىگى، جوعارىدا ەسىمدەرى اتالعان اقش-تىڭ قوس سپورتشىسى جارىستىڭ العاشقى كۇنى ءبىزدىڭ دميتري بالانديننەن قالىپ قويعان ەدى.

سوڭعى جاڭالىقتار