9 جەلتوقسان, 15:31 383 0 الەۋمەت انار لەپەسوۆا

ااك: تابىسىن جاسىرعان وتباسىلار مەملەكەت قارجىسىن قايتارا ما؟

تابىسى مەن جەكە مۇلىكتەرىن جاسىرىپ، اتاۋلى الەۋمەتتىك كومەكتى نەگىزسىز الىپ كەلگەن وتباسىلار مەملەكەتتىڭ قاراجاتىن قايتارۋعا مىندەتتەلمەيدى. بۇل تۋرالى قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ءماجىلىس كۋلۋارىندا مالىمدەدى. 

«بۇل ءساۋىر-مامىر ايلارىندا بولعان جاعدايلار. ءبىز 74 مىڭ وتباسىنىڭ اتاۋلى الەۋمەتتىك كومەك الۋ ءۇشىن تابىسىن جاسىرعانى تۋرالى مالىمەت بەرگەنبىز. ارينە زاڭ بويىنشا مەملەكەت قاراجاتىن ءوز ەرىكتەرىمەن قايتارۋى ءتيىس. بۇگىنگى كۇنى ااك-كە بەرىلگەن 451 ملن تەڭگە كەرى قايتارىلدى. بىراق مەنىڭ ۇستانىمىم، مەن اكىمدەرگە دە تالاپ قويىپ جاتىرمىن. ماجبۇرلەپ، قاتاڭ تۇردەگى قايتارۋ شارالارى قولدانىلمايدى. سەبەبى ول ادامدار قاتەلىك كەتكەنىن مويىندادى. سوندىقتان سوت ارقىلى ءوندىرىپ الۋعا نەگىز جوق. جازدا ءبىزدىڭ اقپاراتتىق جۇيە قايتا جەتىلدىرىلدى، سوندىقتان الداعى ۋاقىتتا ونداي قاتەلىكتەر ورىن المايدى»، - دەدى مينيستر.

ايتا كەتەيىك، بيىل تامىز ايىندا اتالعان مينيسترلىك ەلىمىز بويىنشا 21 مىڭ وتباسى اتاۋلى الەۋمەتتىك كومەك الۋ ءۇشىن ءوز تابىستارىن جاسىرعانى بەلگىلى بولعان ەدى.

سوڭعى جاڭالىقتار