9 جەلتوقسان, 12:45 348 0 جاھان انار لەپەسوۆا

سۇلۋلىق شەرۋى: "دۇنيەجۇزى ارۋى - 2019" بايقاۋىنىڭ ءتاجى كىمگە بۇيىردى؟

"دۇنيەجۇزى ارۋى - 2019" بايقاۋىندا وڭتۇستىك افريكا رەسپۋبليكاسىنىڭ وكىلى زوزيبيني تۋنزي جەڭىسكە جەتتى. بۇل تۋرالى بايقاۋدىڭ Instagram جەلىسىندەگى رەسمي پاراقشاسىندا حابارلاندى. 

جەڭىمپازدىڭ ءتاجىن وعان "دۇنيەجۇزى ارۋى-2018" اتاعىنا يە بولعان فيليپپيندىك كاتريونا گرەي تاپسىردى. 26 جاستاعى زوزيبيني تۋنزي ايەلدەرگە قاتىستى زورلىق-زومبىلىق پەن ستەرەوتيپتەرگە قارسى ەكەنىن اشىق ايتىپ جۇرەدى.

بيىلعى كونكۋرستا ەكىنشى ورىنعا 24 جاستاعى مەديسون اندەرسون (پۋەرتو-ريكو) يە بولسا، 25 جاستاعى سوفيا اراگون (مەكسيكي) ءۇشىنشى ورىننان كورىندى.

"دۇنيەجۇزى ارۋى - 2019" بايقاۋىنا 93 ەلدىڭ وكىلى قاتىستى. رەسەي بيىلعى بايقاۋعا بارعان جوق. سەبەبى وسى ەلدىڭ وكىلى ۆيزا الىپ ۇلگەرمەدى. سۇلۋلىق سايىسى اقش-تىڭ اتلانتا قالاسىندا ءوتتى.

"دۇنيەجۇزى ارۋى-2018" بايقاۋىندا قازاقستاننىڭ اتىنان 18 جاستاعى ءالفيا ەرسايىن قاتىستى. بىلتىر ول "قازاقستان ارۋى" اتانعان بولاتىن.

كوستيۋمدەر كونكۋرسىندا ءالفيا ۇلتتىق ناقىشتاعى قىزعىلت كويلەكپەن دەفيلە كورسەتتى. كويلەگى مەن باس كيىمىندە ۇساق مونشاقتار بولدى. وتكەن جىلى "دۇنيەجۇزى ارۋى-2018" بايقاۋىندا قازاقستاننىڭ اتىنان سابينا ازىمباەۆا قاتىسقان بولاتىن. ول "الماتى ارۋى-2017" بايقاۋىندا جەڭىسكە جەتكەن.

سوڭعى جاڭالىقتار