9 جەلتوقسان, 09:31 322 0 جاھان انار لەپەسوۆا

پۋتين مەن زەلەنسكي پاريجدە كەزدەسەدى

پاريجدە 9 جەلتوقساندا دونباسستاعى جاعدايدى رەتتەۋگە بايلانىستى "نورماند فورماتى" بويىنشا كەزدەسۋ وتەدى.

ۋكراينا، گەرمانيا، فرانتسيا جانە رەسەي ليدەرلەرى سوڭعى ءۇش جىلدا ءبىرىنشى رەت كەلىسسوز ۇستەلىنە وتىرادى، دەپ جازادى ورتالىق ازيانىڭ جاڭالىقتار قىزمەتى.

سامميت الدىندا 8 جەلتوقساندا كيەۆ ورتالىعىندا نارازىلىق اكتسياسى ءوتتى. AFP اگەنتتىگى مالىمەتىنشە، وعان بەس مىڭعا جۋىق ادام قاتىسقان.

نارىزىلىق شاراسىنا جوعارعى رادانىڭ وپپوزيتسيالىق فراكتسيا وكىلدەرى – "ەۋروپالىق نيەتتەستىك", "باتكيۆششينا", "داۋىس", "ازاتتىق" پارتياسى وكىلدەرى قاتىستى. ولار ەل پرەزيدەنتى ۆلاديمير زەلەنسكي بۇل كەزدەسۋگە قاتىسپاۋى كەرەك ەدى دەيدى.

نارازىلىق شاراسىن وتكىزۋشىلەردىڭ باستى تالابى – مەملەكەت تۇتاستىعىن ساقتاۋ، دونباسستان رەسەي اسكەرىن شىعارمايىنشا سايلاۋ وتكىزۋبەۋ جانە قىرىم مارتەبەسىنە قاتىستى كەلىسسوزدەردەن باس تارتۋ، سونىمەن بىرگە رەسەيدى حالىقارالىق سوتقا بەرۋ.

سوڭعى جاڭالىقتار