7 جەلتوقسان, 20:25 350 0 جاڭالىقتار اسىل تۇمار

ديەتا ۇستاماي-اق ارىقتاۋعا بولادى

امەريكاندىق عالىمدار ادامدى ارتىق سالماقتان ارىلتاتىن ءادىس ۇسىندى. كاليفورنيا ۋنيۆەرسيتەتى مەن سولك ينستيتۋتىنىڭ عالىمدارى ديەتا ۇستاپ، سپورتپەن اينالىسۋدى قاجەت ەتپەيتىن ارىقتاۋ جولىن ويلاپ تاپقان. بۇل تۋرالى Cell Metabolism پورتالى حابارلادى.

دارىگەرلەر تاۋلىكتىڭ 10 ساعاتىنىڭ ىشىندە عانا تاماق ءىشىپ، قالعان 14 ساعات اشىعۋعا كەڭەس بەرەدى. ايتۋلارىنشا بۇل سالماقتى ازايتىپ، دەنساۋلىقتى جاقسارتۋعا سەپتىگىن تيگىزەدى.

ماماندار جۇرگىزگەن تاجىريبەگە زات الماسۋ پروتسەسى بۇزىلعان 19 ادام قاتىسقان. ولار تاۋلىكتىڭ تەك ون ساعاتىندا تاماقتانىپ، جەگەن تاعامدارىن ارنايى قوسىمشاعا تىركەپ وتىرعان. سونداي-اق بەلسەندى بولعان كەزدەرىنىڭ دە ەسەبىن جۇرگىزەدى.

12 اپتادان كەيىن ولاردىڭ قانىنداعى حولەستەرين مولشەرى 11 پايىزعا ازايىپ، قان قىسىمى 4-8 پايىزعا تومەندەگەن. سونىمەن قاتار ارقايسى شامامەن ءۇش كەلىگە ارىقتاعان. تاجىريبەگە قاتىسۋشىلاردىڭ ۇيقىسى دا تىنىشتالىپتى.

aikyn.kz

سوڭعى جاڭالىقتار